لمن اتت ليلة القدر في الرمضان الماضي 2011م

في الحقيقة الرمضان الفات عند صحبتي اسمها (((تماضر )))هي خريجة اعلام الاسلامية انسانة علي خلق عالي فوضعت ليها خطة في رمضان معاها صحبتها واختها الاكبر منها فكان برنامجها المحافظة علي الصلاه في وقتها ووقراءة القران وكانت مصره علي ختم القران فكانت تقرافي البيت مره عشان تحضّر للامهات في المسجد هي تقريهم يعني تمت ختمت القران في غضون2 اسبوع في رمضان والله كما حكت لي قرات القران مره في البيت( تحضير) ومره في المسجد كانت تمشي من الساعة 11 نهار ............
الاسبوع التالت من رمضان ختمت القران للمره الثالثة ///////////////// فكان يوم 27 رمضان تحديدا هي وصحبتها يدعو ا مع بعض انو ان شاء الله ربنا يقدرهم يشوفو ليلة القدر فبعد صحبتها مافاتت زي الساعة 11 ليل صلت ركعتين لله وصلت علي النبي كذا مره والنية كانت انو تشوف ليلة القدر بس عند الثلث الثالث من الليل هي كانت راقدة في الحوش كانت مانايمة بس تسمع صوت دق الباب براحة قالت عادي فالمره التانية زاد الصوت فسبحان الله اصلا باب الشارع جنبهاوما منو اي صوت لكن دق الباب قريب منها بس قامت تشوف الصوت الباب الجمبها الدقة التالتة كانت قوية شديد في سريرها تحديدا قالت دامنو كان ماف رد عاينت لتحت السرير ورقدت بمجرد مارقدت جاتها سحابة بيضاء وكثيفة في راسها بس اترهبت شديد بس كانت السحابة موجة في راسها واتجاه عينها قريبة منها وبتتحرك كمان فوالله هي تحكي لي وتبكي لاقيتها بالتلفون ماصدقت فدعيتها للبيت فواجهتها فهي تحكي وتبكي ............
اها قبيل لما الباب يدق مش قالت دا منو فسبحان الله السحابة ردت ليها قالت ليها انا القران الكريم بصوت بختلف من صوت شيوخ المسلمين اجمع فهي كانت ماواعية تماماتسمع لكن لاتنطق فيالاثنا ء دي كان عندهم عريشة فقالت هي في الحوش ففي ضوي جميل مازي الضوءالمعتادين عليه فكانت تتلتفت كدا فالضوء يلاحقهها فكان جهور بالمعني ودموعها لاتتوقف تجري كالنهر ............فكنت اقول ليها دا حلم ياتماضر فهي تقول والله ثلاثةحقيقة يااقبال فالشيء الاكد لي انو ماحلم حتفهموه في التالي (. فامها جات عشان تصحيها للسحور فهي لاتتتكلم بس مع المنظر الالهي الجميل فسامعة صوت امها دا دليل علي انو ماحلمانة فشاهدت كتف امها لما عايزة تصحيها احتكه بالسحابة لان امها انحنت عليها فتصحي فيها تماضر.تماضر كذا مره هي سامعة وشايفة امها لكن ماقادرة تتحرك وتنطق امها ادعت بكلمة( مانصيحة) فتماضر سمعت الكلمة دي لما امها قالتها ليها فمشت امها بس بعد 5 دقايق تحركت تماضر بخوف شديد من السرير قالت لاول مره تخاف وتندهش بمثل هذه الصورة مشت لناس امها واخواتها بهناك ماقادرة تنطق والدموع في عيونها فمشت قرات 3 اجزاء من القران حتي بعدو بقت تدعي تدعي وصلت ركعتين وسبحان الله دعت لي دعو ه عامة جزاها الله خيرا صديقتي ودعت لنفسها للاخره فقط
فمشت حكت لامام جامع فقال ليها اول مره اسمع شوفة مثل هذه فانشاء الله حتشوفي خير في حياتك ان شاء الله تعالي
...................والله اعلم
فالان قبل شهرين اشتغلت عن طريق الصدفة في الاحصاء السجل المدني والان اتت ليهافرصة الشغل في مجالها في الاعلام في الرمضان ................
اللهم بلغنا رمضان وليلة القدر يارب