عودة الاخ علاء من السودان

عاد الحبيب المنتظر الاخ علاء يوم امس السبت الموافق الرابع من اغسطس 2012 عند الساعة لاعاشرة والنصف صباحاً .. من ارض الوطن الي ارض الاغتراب ليبدأ مشواره من الصفر كما هو حال كل المغتربين ..
اهلاً بعودتك اخي .. ونتمني لك اقامة طيبة ..

عودا حميدا مستطاب ...
سلامات علاء الدين وحمد لله على السلامة .. !!
اخي خالد .. لكن نسيت ان تذكر التاريخ الهجري الموافق 16 رمضان طالما بلادنا أضحت تكتب تاريخ كوراثها الوطنية بالتاريخ الهجري وهذه محمدة في حد ذاتها وان جاءت متدثرة بلباس أخر ..
اما قصة البداية من الصفر دي حكاية ودي اسمها حمى ما بعد الاجازة ..
معقول تجي راجع فرحان زى ما مشيت فرحان ما لازم تجي بالطمام والقرف وحاجات كتيرة ..
االمهم انو بابا علاء الدين جا ,,
وما عندنا ليك غير الصورة دي نستقبلك بيها ..

عودة الاخ علاء من السودان Iepipy

الف حمدلله على السلامه استاذى علاء الدين وكم كانت الايام هى المسرعه وهذه هى حال الدنيا
وعصافيرها المهاجره فلك التحيه والاشواق استاذ علاء الدين

حمدآ على السلامة أيها الحبيب علاءالدين
مابلَينا شوقنا فيك كويس ياعلاء لكن نسأل
الله ان يكتَر السوانح للقاء ويديم التواصل//

هنيئا بمقدمك الجميل افوكاتو منتدانا
كل الامنيات لك ببداية من الصفر موفقة وان تحاول قدر المستطاع التكيف مع الوضع الجديد ويلا بسرعة عايزين سلسلة الكتابات المتواصلة عن انطباعك وعن زيارتك للبلد بعد غياب
مرحبا بعودة استاذنا علاء

وبمناسبة قدوم الأخ علاء إلى رحلة المعاناه من جديد أفيدكم بأننى زرته فى منزله لكى نخفف عليه (شويه) وصادفت الأخ خالد الجيلى عبدالهادى وكانت جلسة إفطار رمضانية جميلة (ياخالد أرجو تنزيل الصور ماتعمل نائم)

نقطة : 40098 تاريخ التسجيل : 01/01/1970

حمداً لله علي السلامة الاستاذ علا دي قسمة الافطار مع الشكري وخالد بالمناسبة دي نرسل التحايا للاخوان عبرك في السعودية وحاول ان تبعث الحماس للاخ خالد لزيارة المصنع واستلم الخدمة والغيار جاء

الأحباب الأوفياء : خالد / ناصر / عوض / عائد / أم تساب / خلف الله / وليد :
كميات من الأشواق لكم ولكل الأعضاء المخلصين في منتدانا الغالي بوجودكم
حقاً أحبتي عند الفراق يزداد الاشتياق , ولكن في حضرتكم اشتاق اليكم وانتم معي وعندما التقيكم ينبض القلب بالحب والشوق والعزة وتتجدد كل الامال والاحلام وأشعر باني السعيد بينكم وبصحبتكم .
ولو بالليد أعيش بينكم مدى الأيام
ونزرع ريد وعالم كلو حب وسلام
اعزائي : أتوارى خجلاً منكم واعترف بتقصيرى اتجاه المنتدى في الفترة المنصرمة وألتمس منكم الصفح كما عهدناكم دائما اهل للتسامح والمحبة.
تخريمة:
الاخ ناصر شكرا لهذه الصورة التي لا تخفي سعادتي وفرحتي لأهلي بالمصنع رغم سواد الليل . وعلى ما اعتقد شكلها أول صورة ونحن داخلين على القرية 22 ( أنا وأنت والليل والمطر ومحنة ) بالقرب من حفرة الفكي بتاع الدهب ولا الذاكرة لحقت أمات طه؟؟
مع خالص تحياتي .... ولكم
كل الود ... و
كل التقدير.....و
كل عام وانتم بالف خير

» ماذا يُقال عن السودان وجنوب السودان
» عودة للديار..
» مفازات
» عودة للحزن النبيل...
» الف مبرووووووووووك أبا مكارم