ها قد جاء العيد

موضوع: ها قد جاء العيد السبت 11 أغسطس 2012, 9:56 pm

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عشان كده رجع مليان الجيوب فاضى Evil or Very Mad

!!!!!!!!!!!!!!!!!!!!
شى عجيب
سوق ملهلب ومولع نار
اسر ضايقة الامرين
وبعد ده الشوارع زحمة والمشى فيها مشكلة كبيرة
كدى اوزنوا معاى المعادلة دى
حال الزول القالوا موظف وراتبه الشهرى شويه الاف
ولما تشوف مصروفه تلقاه اضعاف اضعاف
دى تجى كيف ؟؟؟؟؟؟؟؟؟؟؟؟؟؟؟؟؟؟؟؟؟؟؟
كدى ورونا الدباره ؟؟؟

يأتى العيد السعيد...
ويمسح بالفرحة بعض هموم الحياة...
ويبقى الأمل دائماً يحدونا فى غد مشرق...
رغم الحال الحرن.... لاتهتمى ياأميرة... الله فى...

ونعم بالله
لكن يا الامير الاعوج مابيبقى عديل ولا شنو ؟؟؟؟؟؟؟؟؟؟؟؟؟؟؟؟؟

وكلنا عم عبدالرحيم الرائعه ام تساب وهذه المعادله قادت البعض الى الارصفه الدمار واخرين الى التجانى الماحى
واخرين هم بيننا يحملون الصبر الجميل والله قادر وهو الكريم وبرضوا نحلم ما الحلم حق الغلابه

ابدأ من حيث انتهيت
اخى عوض حتى فرحة العيد بقت حلم
اللقمة والكسوة ابسط مقومات الحياة بقينا نحلم بيها ؟؟؟؟؟؟؟؟؟؟؟؟؟؟
عجبى لهذا الوطن والمواطن !!!!!!!!!!!!!!!!!!!!!!!!!!
شكرا الرائع عوض على المرور
وحقا كلنا عم عبد الرح

اغنية الطمبور كثيراما وقفت عند اشكال المعاناة ونتائجها التى تناولها الاخ عوض
اليكم بعضا منها
عم الزين
غايتو الحالة معادلة صعبةكأنو الناس قاعدين فى مسرح
***************
عندى سؤال بالجد حيرنى ونشف ريقى وراه نشاف

وليل ونهار شاغل تفكيرى ولما بقيت أنا منو أخاف

حال الزول القالوا موظف وراتبو الشهرى شوية ألآف

لو عديت مصروفو الشهرى أكيد تلقاه أضعاف أضعاف
**********

حلو معاى المسألة دى وساعدو معاى العم الزين

زول محمول وعندو أطفال شان ماياكلوا يجيب من وين

يسرق ينهب يشحد ولا ولا كمان يغرق فى الدين

عندو محمد وأحمد وساره وخمسة أطفال فوقم تومين

لازم يقروا وياكلوا كويسلازماً يلبسوا لبساً زين

قولوا معاى يسوى شنو عشان ما يعيشوا يجيب من وين
**********

@@@@@@@@@@@@@@@@@@@@@@@@@

ودى واحدة تانية برضو فيها نوع تانى من المعاناة
ود حمد احمد

الأدهى والأمر أن المرتبات الهزيلة في كل المؤسسات الحكومية
تم تقديمها ليتم صرفها في 12 أغسطس ,,,,, بالله عليكم شوفو كمية
التخدير واللعب بعقول الشعب المقهور وصلت وين؟؟؟؟؟؟؟؟؟؟؟؟
يعني تاني ننتظر اكثر من 45 يوم عشان نصرف مرتب الشهر
الجاي ,,,, هذا مع العلم بأن (الما ... هي؟) ثابتة على حفنة جنيهات
والسوق في طلوع مستمر والمعادلة مختلة من يومها والناس برضو
عايشة وتداقش ,,, وعلى قولك ياالأمير ...... " الله فيَ"

[size=18]

ما عاد العيد يأتي حاملآ الفرح والبهجة

ما عاد مقدمه يرسم البسمة ..في الوجوه

ماعاد العيد حريرة وضريرة ولمة حبان

في الحوش وزغرودة فرح لجديد عرسان

فبأي حال عدت يا عيد؟؟

سلام عليكم جت.. والعيد مبارك عليكم

عيد باى حال انت راجع

بذات المرارات والمواجع

لم تعد مفرحا ياعيد

لم تعد من الروائع

لابسمة تعلو الشفاه

لاضحكو اطفال الشوارع

والاسواق نار تشتعل

لامشترى فالكل بايع

فى الجيب تساوو

مهندس اومزارع

.............

ههههههههههههه خاطرة ضعيفة لانو معنويات ماف

غايتو ربنا يسهل ويعم الرخاء وتبتسم الجيوب والافواه

دمتم احبتى

عيد بأية حال عدت يا عيد ؟؟
شكرا اشراقة علي فتح الجروح .. Razz

هذا المقال كتبته في مارس 2010 بسودانيات ..

هنــــا

اقتباس :: في وقت كهذا والعيد يطرق بابه إيذاناً بالدخول وأنا انظر وارجع البصر كرتين في حالنا وحال بلادنا واتساءل الي اي طريق تؤول اليه هذه العازة الحبيبة اذ يقلبها طوفان الانقاذ والمتأسلمين يمنة ويسرة وجراحات الحروب ضاربة شرقاً وغرباً واما الجنوب فكأنه اختزل منا والشمال لا يأبه بكل هذا وبكل جرأة تتربع ايادي القتلة وهم يتفرجون في الساحة و عليها .. كأنهم في انتظار نهاية محتومة تقضي علي آمال ومآلات الشعب السوداني البسيط هذه الحال والفرحة العيدية ترتسم علي شفاه العطشي والجوعي أملاً بإشراق فجر جديد يتقاسمون فيه البهجة وهو اشراق ضمني لا يكاد يمكث حتي يفارقنا ولا فرح جديد ولا عيد جديد .. وتناسينا ان من حرومنا الفرحة هم الآن علي روؤسنا يحكموننا ويحاكمونا .. بل وفي مرادهم انتزاع فرحة العيد من علي وجوهننا ويظلوا هم اهل الفرح والبهجة السرور تذكرت وانا ابكي علي احوال بلادي قصيدة المتنبئ والتي يقول فيها :

عيد باأية حال عدت يا عيد ***بما مضى أم لأمر فيك تجديد

وايقنت ان العيد المقبل سوف يكون شمالنا يمارس هذه الفرحة الوحيدة بمفرده إذ أن جنوبه سينفصل عنه غي آبه به .. وغير مكترث لما سيحدث له في وحدته هذه .. وذلك كله ليس برضاء النصفين الحميمين بل بإرادة المؤتمرجية الذين يلعبون في دائرة مصالحهم وبطونهم الكبري حتي الآن لم تشبع ولم تمتليئ .. وانيابهم المكشرة مازالت تطمع في أكل المزيد من الناس .. فالحال بائن لكل من يريد ان يعرف الحقيقة وتدمي القلوب، ويبقي الأسى، والانقاذيون قد طغوا وبغوا ولم تنعم بلادنا بالأمن منذ أكثر من عشرين عاماً، ابتداء بجرائم القتل وفظائع التشريد وانتهاء بفصل الجنوب ان كانت هذه النهاية .. ولا اظنها كذلك إذ ان غطرست الانقاذيون مازالت تشير الي ان غرب السودان لم يصل مرحلة التدويخ التي بموجبها سيطالبون هم ايضاً بلإنفصال فلا ادري لماذا هذا التحزب والتكالب ضد شعب بريء مستضعف قد أوهنته الحروب ؟؟ واشتدت عليه المصائب ولجأ إلى الله يشكو ظلمهم وخذلانهم ولا يزال الجرخ ينزف ولا ضماد ودماء تسيل ولا حقن لها محتمل وأصوات الثكالى ودعائهم لا يزال يعبر فضاء الارض الي السماء .. في انتظار يوم يحاكم فيه الظالم وترد الي المظلوم المظالم وفي زحمة هذه المآسي والآلام كدنا أن ننسى أن هناك مصيبة في الطريق ان لم نتداركها ستكون وصمة عار علينا جميعاً كشعب واحد عاش منذ زمن طويل في تكاتف وتعاضد .. ألا وهي انفصال جزء حبيب من وطننا ( جنوبنا الحبيب ) ..

لندع عبارة وامعتصماه ولنكن كلنا معتصم بذاته وقوته وشرفه ونردد بملء أفواهنا لا للانفصال من اجل المصالح الشخصية .. لا للإنفصال من اجل البقاء علي كراسي السلطة .. لا للانفصال من اجل اننا غير قادرين علي التغيير .. نعم للوحدة .. مرحباً بالسودان موحداً كما كان ..
ومما زادني حزناً وأسيةً ما أسمعه من رجالات الانقاذ ان الجنوبيون وحدهم من سيدفعون الثمن .. فهل سينعم اهل الشمال بعد هذا الانفصال ؟؟ ؟؟ سؤال ربما كلنا نعرف اجابته ولكننا غير قادرين علي قول كلمة ( بغم ) ؟؟

ملاحظة :
لست متشائماً
ولست ضد الجنوبيون في حال رغبتهم في الانفصال
ولكنني مواطن احب وطني كما كان .. في ظل جو يسوده السلام والوئام ..

تحياتي
الرباطابي

فهل يا تري من جديد ؟؟ ام ستحل علينا الاعياد ونحن نبكي علي كل جميل ؟؟

اااااااااااااخ العيد وما ادراك مع العيد ........ شكرا أم تساب , موضوع جميل ويجيب وجع المصارين
كم تمنيت ان تمتد الاجازة لبضعة أيام وأمتع نفسي بالعيد بين الاهل والأحباب مع علمي التام بأن العيد فقد كثيراً من طقوسه وحركته ونكهته مقارنة بالاعياد السابقة لعام 89 , فالغلاء الطاحن بكل تأكيد يفسد على الناس فرحتهم بالعيد , حيث نجد الاغلبية العظمى من الناس تقوم بالحد الادنى من الواجبات وأصبح الموضوع تحصيل حاصل وسترة حال , وحلً الهم محل الفرحة وربنا يعين الوالدين في تلبية حاجيات أولادهم .

ثوره ثوره ثوره المنتدى ولع وهذا هو الذى نبحث عنه احبتى
وهاهى العوده فالاقلام التى لاتهداء عاودت الصهيل الرائعه ام تساب الجميل الصديق خالد
وحبيبنا مندوكورو واميرنا الحبيب واستاذنا على الدين ومهندس هذا المنتدى المتفرد عائد
وكل الذين اعادوا نشاطهم المتوقف

صدقت اخى عائد كل شى زايد فى بلدى عدا المرتبات فهى وحدها ساكنة لا تعرف الحراك او الزيادة
المزعج فى الموضوع ان الاطفال لا يقدرون معنى ان الجيب فاضى وانه الفلس حاصل عايزين يفرحوا
بلد كل الموازنات فيها اضحت معووجة عوج شديد يصعب استعدالها
يبقى السؤال ما هو المغزى من صرف المرتبات قبل موعدها ؟؟؟؟؟؟؟؟؟؟؟؟؟؟؟
الاجابة كما تتراءى للجميع انها من باب التخدير يعنى افرحوا وعيدوا وهيصوا وبعد كده تأكلوا نار ،،تاكلوا برسيم ما لينا فيكم صالح المهم انه زنانة العيد تنتهى
غايتو بجد المعادلة صعبة

لكل الحضور الانيق هدية بسيطة لى مداماتكم عشان يفتحوا ليكم جبهة جديدة
غايتو الا تشوفوا ليكم جخنون تزوغوا فيه او تدينوا المهم اتصرفوا

عاد انشاء الله يعجب المدامات ويولع ليكم النيران وكل سنة وانتم طيبون

مرحبتين حبابك زاهر
ونشكر ليك كتير التضامن معنا رغم ان العيد عندكم طعمه غير وما عندكم هواجسنا فالوقفة التضامنية عندها معانى قيمة عندنا
لكن بالله عليكم ماذا نقول فى بلد فرحة العيد فيه بقت مشكلة وازمة
وبرضو ايدا مبار الينا اليكم كل سنة تيبين تيبين

شكرا محمد صديق على المرور والخاطرة
وربى يسهل علينا
بعدين الخاطرة ما ضعيفة قوية وبتشبه الحال الباقى علينا

الاخوة الاكارم
اولاد حسن
ازيكم كتير وبركة بالشوفة
اها انتو طبعا عيدكم غير وطلباتكم غير ولا شنو؟؟؟؟؟؟؟؟؟؟؟؟؟؟؟؟؟
كدى خلينا نشوف علاء الدين افوكاتو منتدانا انطباعه عن السودان وشكله كده حانى للزكريات فياريت تتحفنا برائعة تحكى فيها العيد زمان ،،ودوافع التمنى بان تحضر العيد بين الاهل هى بلا شك نابعة من القلب ،،،،،،،،،،،،،،
اخى خالد رغم مرور زمن على ما كتبته الا ان نفس الاوضاع بل تفاقمت للاسواء عشان كده بنقول بأى حال عدت يا عيد
سلامى واحترام
واقعدوا عافية

عوض احمد ادريس كتب:: ثوره ثوره ثوره المنتدى ولع وهذا هو الذى نبحث عنه احبتى

اعمل حسابك ثورة ثورة ثورة دي الطيرت عمنا القذافي...... تحياتي لك يا جميل منتدانا وأشكرك على غيرتك وحبك لمنتدانا ونحن نبادلك الحب الأكيد والكتييييير وكل عام وأنت ومن حولك بالف خير وعافية وان شاء الله من العايدين يا حبيب الكل

ام تساب كتب:: الاخوة الاكارم
اولاد حسن
ازيكم كتير وبركة بالشوفة
اها انتو طبعا عيدكم غير وطلباتكم غير ولا شنو؟؟؟؟؟؟؟؟؟؟؟؟؟؟؟؟؟
كدى خلينا نشوف علاء الدين افوكاتو منتدانا انطباعه عن السودان وشكله كده حانى للزكريات فياريت تتحفنا برائعة تحكى فيها العيد زمان ،،ودوافع التمنى بان تحضر العيد بين الاهل هى بلا شك نابعة من القلب ،،،،،،،،،،،،،،
اخى خالد رغم مرور زمن على ما كتبته الا ان نفس الاوضاع بل تفاقمت للاسواء عشان كده بنقول بأى حال عدت يا عيد
سلامى واحترام
واقعدوا عافية

الغالية أم تساب تحياتي وكل عام وانت بالف خير وعافية .... وهديتك مقبولة والحمد لله المدامات ما شافنها ... وعن حكاوي العيد زمان ان شاء الله سوف نحكي عنها ولكن تستحي أقلامنا وتتوار خجلاً عن الكتابة في حضرتكم , انت والاخ ناصر وفطاحلة منتدانا

نقطة : 40098 تاريخ التسجيل : 01/01/1970

سلام كتير للاخوة والاخوات كل عام وانتم بخير مشكورة الاخت ام ميزاب علي الاطباق التي ترد الروح ياخوانا التفاؤل نعمة زي ماقال في المقطع عشان كدة املوها بركة تعدي وكلنا في الهواء سوا مرتبات عساكر -ايجار -ترحيل طلبة -كهرباء-ملابس عيد -خبيز وكعك والمدام شافت صور اشراقة ودايرة...ووووووو خلوها دي مقدور عليها والباقي 45 يوم للمرتبات والماهية بح سلام كتير

وليد سيد احمد كتب:: سلام كتير للاخوة والاخوات كل عام وانتم بخير مشكورة الاخت ام ميزاب علي الاطباق التي ترد الروح ياخوانا التفاؤل نعمة زي ماقال في المقطع عشان كدة املوها بركة تعدي وكلنا في الهواء سوا مرتبات عساكر -ايجار -ترحيل طلبة -كهرباء-ملابس عيد -خبيز وكعك والمدام شافت صور اشراقة ودايرة...ووووووو خلوها دي مقدور عليها والباقي 45 يوم للمرتبات والماهية بح سلام كتير

الاخ الصديق وليد سيد احمد ..
تحياتي ..
حتي لو انصرفت المرتبات في حينها فهي لا تكفي .. دعك من تاخيرها ..
وبعدين قول للمدام دي صور سااااااي .. وحركات من ام تساب عشان تولع النار ..

لكن بيني وبينك صور بتجيب مشاكل ..
تحياتي لك ولاسرتك الكريمة .

الحمدلله قاعد اتمعن فى الصوره من امبارح لاننى مرتاح البال وترانى وسط مهب الريح مراكيب لافحه الشلال
وانا يا ناس زول ماشى لا زوجه لا اطفال لذلك اعلن تضامنى مع ناس البلد الفوق والتحت واقول لام تساب والله خوتك اخير منها خوة المؤتمر الوطنى دى عمليه تعمليها فى الجماعه يا خى ديل مساكين
انظرى الى البراءه فى عيونهم وبعدين ديل اخونا كل عام وانتم بخير ايها الرائعون خمرة الطيبه والصبابه

نقطة : 40098 تاريخ التسجيل : 01/01/1970

الاخ عوض العوض وانت شمعة المنتدي نتمني ليك الدخول في القفص الذهبي بالجد والله ده كلام ساي الموضوع مافيهو خوف ان شاء الله السنة تكمله في بيتك قول امين

سلام يا ناس
يلا عايزين نعرف ردود الافعال بتاعت الخبائز شايفة غايتو افو كاتو منتدانا داسيها من المدام اما وليد اتجوعل وخت الرحمن فى قلبه وكشف للمدام عن الخبيز المطموس وسط هدوم العيد
عوض اخوى قلت خوتى اخير منها شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟
عاد امان ما اتلومت معاى وعلى الرغم من ذلك الامنيات الطيبة لك بأن ياتيك العام القادم وانت تائه بين الصيدليات بحثا عن البامبرز ومطموس فى السوق بحثا عن اللبسات ،،،،ببركة الشهر الكريم قول آآآآآآآآآآآآآآآآآآآآآآآآآآمين

» للسيدات حنة العيد
» العيد زمان
» الذكرى الرابعة لتأسيس المنتديات
» أفراح العيد
» ثالث العيد...