الشارلستون والترزي

اخي ( العجوز ) علاء ..



تحياتي يا ورف ..

فهل انت من ذلك الجيل السحيق ؟؟ حقاً انها روائع ولكن الاروع هو ا تكون انت والسيد المدير العام من ذلك الجيل .. .. حيث الجمال والاصالة والحلاوة ..

رغم كبر سنكم لكن صراحة انتم الاجمل ..

اذكر من المسميات غير الشارلستوت بنطلون اسمه ( شريف ) و قميص اسمه ( مردونا ) وجلابية اسمها ( الرجالة ملحوقة ) .. وتسريحة اسمها ابراهيم عوض ... واخري اسمها ( القادر الله ) .. وكثير من خبايا الزمن الجميل ..

تخريمة ::



ام تساب دقست في المدير العام

التحية للعزير علاء الدين..بوست جميل جدا..والله استمتعت بيهو شديد...عبد الرحمن موسي..ذكرك للمرحوم عمر الحاج موسي..لقطة منصور خالد..روعة البوست..كان عمر شلال من الابداع ..سبحان الله..لا استطيع ان اصدق انو اسماعيل اخوه؟لك ما بين السطور..
قفزة خارج النص....
يا اخوانا عايز واحد يفهمني كيف افهم جملة (الحزن النبيل)...او الحزن الجميل) او البرد الحار...
رجعة للبوست...في دعاية .....لفوار الاندروس كانت تردد في الاذاعة زمان
العارفا يقول لينا والسلام...

هههههههههههههههه والله انا صغير غايتو لكن بساهم بحاجة متعلقة بالموضوع دا وانتو شكلكم من زمن السكة حديد لينة .

بيقولوا في زمنكم داك وحدة قالت لزوجها يا تجيب لي السلكلك ولا أعمل ليك التلكلك . وانتوا شكلكم عملوا ليكم التلكلك ما جبتوا السلكلك ( السلكلك دا توب ظهر في زمنكم والله اعلم )
واتمنا من الله أن تكونوا دائماً رائعين ووفقكم الله وسدد خطاكم

اطلعت على هذا البوست قبل كم يوم وكنت عايزة اعقب بس اكنت مضيوفة شوية

الكل يبكى على الزمن الجميل فهل ىا ترى ليس هناك جميل اخر ات

ارجع بيكم الى ذاك الزمان ونغوص فى عالم التوب السودانى العظيم عظمة نساء ذلك الزمن على ما اذكر فى توب اسمه الجزيرة العايمة وهو عبارة عن مربعات بداخلها دائرة وتوب الامير وسليم الذوق وفى توب يسمى الهجيج وهو عبارة عن ورود كبيرة ذات الوان زاهية وجميلة وهناك توب الدلع والخط السريع وعصفور االنار كل هذه التياب كانت من التوتل السويسرى الخالص اما تياب البولستر هذه طهرت حديتا وهناك التوبين المخضرمين متواجدون فى كل الموضات والى يومنا هذا وهما ابو قجيجة ورسالة لندن وكان فى توب اسمه الدش والانترنت والخط السريع

نخش على الاقمشة والفساتين اذكر منها الدانتيل والخرطوم بليل والاورقنزا والاسمك ورموش شادية ورموش نادية البرادعى وهذا الاخير رجع تانى فى شكل بلوزات من اللون الذهبى والفضى هذا بعض ما جادت لنا به الذاكرة ولكم الشكر ناس الزمن الجميل

دمتم رائعين الاخ علاء وام تساب وعوض وبت سيد والامير وخالد وزكريات جميله ترسم البسمة من مجرد تذكرها وكم كنت شغوفه ان البس تحرمنى منك وبدلا من ان يفصلوها لى اتعمل قميص لابو السعود ومع انى عارفه انه اولادى لكن ليه ما البسه زعلانه وخلونى اطرررشق من الزعل .......وبعد ما كانت التفه موضه دلوقتى الصلعه عديييل موضه الان وفى مصر تلقى الاولاد متشبهين بالاوربيين شى زى عرف الديك وصبغ الشعر بالاصفر والاحمر مع العقد اوالسلسل والحظاظه فى اليد وانا بحارب ابنى وامنعه بالتشبه بهولاء ولكن لا حياة لمن تنادى فهل كنا كده.