ما اجمل اللحظات التى تجد فيها نفسك فى عالم العيون المشحون بكل التراكمات التى خلفتها ديمومة الحياه من حزن وفرح ودهشه وارتعاشات ضد الموت والاستسلام فهنا تضع ما فى يدك وتقول مرحبا يا ايتها العيون
****************************************
وانا بين عيونك زى صغير
بينهل من العطف الكتير
ويتعلم الصبر الجميل
وارجاك وانتى الارتعاشه
ووثبة الزول البشيل
من شقا العالم دليل
يا دروب
سايقانى فى الزمن المودر
فى زحمة الويل
والبهوت
وانتى نجيمه
فى الضلمه تضوى
وتسكب الافراح
حبيبه بتطرد الاوهام
وتتحكر
حبيبه تصابح الاحزان
وتتكمل
وتدينى الدباره عشق
وتخلينى
عديم اوزان
وزول شائل المحنه شعار
وبغنى غنوة الابحار
بلا اسفا يعيد الكان
يغنى
عشان القمره والانسان
فيا انسانه
اتكبى وفرحى الانسان
************
