نشوف أجمل تعليق

[img][/img]

نأمل من الجميع المشاركة في في كتابة أجمل تعليق في هذه الصورة

تسلم أخي ناصر على التعليق هههههههههههههههه حلوة ونشوف الاخوان الاعضاء بيعملوا لينا شنو...............؟

مشكورة اختي ام تساب على العبور والتعليق الجميل بس بتخلي الاعضاء كلهم ما يمرو بتعليقك الاخير دا ههههههههههههههه مع خالص تحياتي واحترامي

البنت : عليك الله يا امي هسي ابوي دا باع الغسالة دي ليه ما كانت
مريحانة والله غايتوا ؟
الام : يا بتي غسلي ساي اصلي من شفت ابوك شاف نانسي
نانسي عجرم بتغسل في الطشط عرفتوا ببيع الغسالة ، يا بت
خلوا القطيعة دي وتعالي غسلي عدتك ابوك هسي بيجي من
الشغل للفطور .
البت الثانية : اها خليك من كلامي امي دي قلتي لي فستانة ما كان
حلوة هههههههههه شفتيها كان بترقص كيف والله غايتو
جنس عوارة قايتو الحمد الله
بت الجيران : هههههههه الله يجازيك انتي ما ملاحظة ليها من (صلاح
كاو ) بقى بغني قامت رقصت عشان الشمارة قالوا
مجكساهو وبتغيظ في جكسيتوا القديمة .
مع تحياتي

لكم التحية جميعا طبعا تعليقاتكم كلها حلوة وجميلة وهى كلها من نسج الخيال

انا ما عايزة انسج من الخيال ولكن انا يوم الجمعة القريبة دى كنت فى مناسبة زواج ابن اختنا فى قرية من قرى ريفى جنوب شندى وشاهدته كل تفاصيل هذة اللوحة كاملة غير منقوصة حتى الشمار الفى الحيطة بكل تفاصيله والاطفال الفى الكورنة يس الاختلاف فى عدد الحضور والنسوة اغلبهم يلبسن التوب لان البيت بيت عرس وبه اجانب فعلا هى لوحة رائعة ومعبرة والناس عايشة على سجيتها وقمت بتصوير بعض اللقطات نعرضها لكم لاحقا

مشكورين اخي خالد واختي بت سيد على هذا العبور ومع تمنياتي لكم بالتوفيق

ياسلام تعليق جميل :الفي الحيطة :عايني فلانة غسلت ودي عاست وان عدتي مكومة والغداء إلا يأكلوهو جمع تاخير؟