شال في خاطرو

والله ياغالى ساعلين عنك ...
وكنا منتظرينك تجى تعيد معانا ...
وسألنا ناس بيتكم بعد مالقينا منك رد وعرفنا إنك جاى العيد الكبير..
وراجينك برضو لكن المرة دى خايفين برضو تقول لينا بجيكم راس السنة...
غيب وتعال تلقانا نحن شايلينك فى العيون تزكار...
كسرة :
{كتمممممممممممت.....}
...كلنا قلبنا أحمر...

والله زي ماقال خالد لوم العدو امسحه لينا في وشنا يامندكورو... بس والله سالنا منك في مشاركه تقريبا لاميرنا... وبنهدي ليك كلمات الاغنية دي...

سائلين عليك كل العباد الجونا منك والمشو
يوماتي سيرتك احلى زاد لي زول غيابك اوحشه
يتنسم الاخبار عليك ماالسيرة ساكت تنعشه

سائلين عليك قمر السما المن جمالك فتنته
اله يرعنو النجوم شال من ملامحك نضرته
يتهادى مابين النجوم بحر الجمالك طلعته
سألتو ليه طال الغياب وين البنعشق طلته

خاف الزول عامل زعلان بالجد... ياخى لا... بس قول لقيت نفسك مقصر على المنتدى وداير ليك مخارجة ...يامايك خليك مع الزمن..
ومع الزكريات ...
{يابنات بحرى مرة حبونا .. نحن من بحرى}
وكتممممممممممت ..هواها فى قلبى
وعشششششششت ..على صدى حبى..
......

مندكورو كتب:

السلام عليكم جميعآ

علا الفيكم إتعرفت..الشيء زول ساي يفقدنا مافي؟؟

زعلان وشايل في خاطري إلي حين

التقصير حاصل يا جميل .. والنصحية لى الله ... قصرنا معاك شديد وشديد يا زول يا جميل ..
البتتفقد الناس على طول سواء هنا او بى تلفونك رغم الوعكة اللمت فيك من شهر مضان الا انو مافي زول جاب ليك خبر ...
يشهد الله في بالنا وخاطرنا دوما الا المشغوليات كتيرة لكن دا ما بمنع نعمل رسالة (بالمناسبة عملت ليك رسالة في الفيسبوك) ودا ما عذر طبعا مفروض امسك التلفون زى الليلة واتصل عليك واشوفك مالك؟
عارف اللوم شديد والله!!
وامسحنا لينا في وش المنتدى وكل الناس الما سالوا عنك؟
جد كتير بغيبو وفي زحمة جرينا ننسى نسأل منهن وفي البال كٌثر وليس على سبيل الحصر .. احمد حسن حلفاوي .. هشام سيد احمد صالح .. حاتم الحاج حامد .. هيثم ابو القاسم .. نبيل الصادق .. خلف الله عبد اللطيف .. منى احمد سعد الدين (كتر خيره تنوم وتصحي وما مقصرة) ..شيخ احمد امينة .. محمد صديق (الشاعر) .. اخونا وليد سيد احمد (غيابو بقى كتير وان كان متقطع) .. عيسى الزم .. ممدوح عبد الله احمد .. محمود بلال .. ناهد يحي على .. ياسر ابراهيم بحرى .. معاوية كبارة .. مكاوي مضوي موسى .. عبد الرحمن ذو النون .. انور ابراهيم .. علياء على محمود .. رحاب كيخا .. حاتم عثمان .. راشد عمر الجاك .. ود جبره ضياء.. كمال دفع الله التقيل..الاخوان اسامة وعوض محمد خير وكتر خير حسن دروشة مرة مرة طله لكن بدينا خير كتير ..خالد سيد احمد .. جمال سعيد عبد الواحد .. احمد النعيم .. معزة كمال دفع الله .. منال بله .. حسام الدين عبد الباقي احمد .. محمد حسن (بزه) ... الاخ عبد الله حسين ادريس ..ضياء الدين عباس .. سيف الدين طه يوسف .. والقائمة طويلة وربنا يجمع شمل الجميع ..
وشكرا يا زاهر صديق على الاتصال الباهي وجميل واداني دفرة وحياة ..
تسلم كتير رغم ظروفك الصحية التي مريت بها ..
وكفارة وكم زيك مصاب يا قلبي؟
وكل عام وانت بالف خير والف عافية والاسرة بخير ..

علاء الدين حسن بخيت"]اهلا بك يا زاهر وبعودتك الزاهية
بالجد والله التقصير حاصل
لكن والله فقدناك كثيرا وقلنا إيها مشاغل الدنيا الما بتخلص ولكن حقك علينا يا زاهر
ولك العتبى حتى ترضى
وفرقتك ما في زول بيسدها
وتعال راجع تاني تلقانا نحنا إينا نحنا أولاد المصنع الحايمين في شارع الترلات وناكل في قصب السكر

الحبيب علاء يا خي مشتاقين

يعلم الله ساكيك تلفونات وإميل من أيام

إجازتك .. علا ما لميت فيك .. عشان القدم ليهو رافع

اشكرك جدآ لسؤالك و ربنا يديم المحبة

خالد حسن بخيت والله لوم العدو عاد يا مندوكرو ..



والله لولا المشغوليات لكنا فتحنا لك بوستات للسؤال عنك ..

ولكنك وبكل تاكيد في قلوبنا وفي دمائنا .. وفي كل تفاصيلنا .. نفتقدك بشدة .. فلا تغب عنا .. ولا تشيل في خاطرك يا نبيل

أهلآ بالحبيب خالد

مشكور كتير والله ..وإنشاء الله ما نفقدك في لمة

خصوصآ لمات الرحلات هههههه

أبعدني عنكم الشديد القوي .. والحمد لله ملكت الصحة

وراجعين بكل الشوق

عبد الرحمن موسي ادريس"] خاف الزول عامل زعلان بالجد... ياخى لا... بس قول لقيت نفسك مقصر على المنتدى وداير ليك مخارجة ...يامايك خليك مع الزمن..
ومع الزكريات ...
{يابنات بحرى مرة حبونا .. نحن من بحرى}
وكتممممممممممت ..هواها فى قلبى
وعشششششششت ..على صدى حبى..
......

العزيز جدآ ود موسي

أخوك إنزنق زنقة .. الله ستر عليهو

زنقة طيرت بنات بحري وناس كتمت هواها..وحركات صاحبك المندهش

في حفلة قرية 21 ..الحمد لله الصحة الآن تمام التمام

علا بالجد فقدتكم ياخ.. ما إنتو روحنا وحبنا ظاتو

نازك يوسف"]كفارة وسلامتك وناس المنتدي كلهم كرامتك
اجر وحسنة بإذن الله ويارب ما تشوف شر أخي مندكورو والله ماعندنا خبر...والله إتلومنا كتير والسبب أنو الحضور مقطع..
تسلم اخى ناصرعلى هذه البادرة الطيبة وان شاء الله يكون المانع خيرلو قدر اي زول يعرف اخبار عن الجماعة ديل يطمنا عليهم ..
ربنا يدوم الود والحب بينا0ويجمع شملنا ويجعلنا دائما في الفه ومحبه

شكرآ لك كتير .. نازك

علي كل هذه المشاعر الطيبة..ودا ما غريب علي أهل المصنع

منبع المحبة والأخوة الصادقة..وربنا يديم هذه المحبة و الإلفة

مرة أخري أشكرك..وما تطولي الغيبة وجودك بالمنتدي

يزيده ألقآ

عوض احمد ادريس"]حليل الكان بيهدى الناس صبح محتار يكوس هداى
معقوله يا زول يا دهشه وانا ما زلت احمل صدى اتصالك بى وسوالى عن اسباب غيابى الطويل

ارجع يا رائع فكلنا المصنع والاشواق


أووووووو عريس المنتدي

ياخ والله لك وحشة..القلوب علي بعضيها يا الحبيب

طبعآ ما حا أبارك لك هنا .. بجيك في الديوان عديييييييل وأقالدك بكل المحبة

ناصر البهدير شال في خاطرو الفرح وعبق السنين الخوالي
عد لينا يا غالي!!
تزعل في شنو؟
وتزعل من منو؟
كلها الحالة من بعض

الحبيب ناصر .. يا ايها الجميل

سؤالك وتفقدك عبر الإتصال والإيميل

ترك عميق الأثر .. وأكد علي عمق المحبة والأخوة

بين أبناء وأهل المصنع..لن أشكرك .. ولكني دفنتها لك

محبة وتقدير