ســـــــت الــــودع

ست الودع
هاك الودع لي وشويه
لي كشكشيه
ما تختشي قوليه
...

لي كان فيهو شي

ست الودع

وشوشي
كشكشي

*********
كشكشكت الودع لي حداي
وقالت لي يا جناي
اريتو فالك فال عدوك
دا كلام كبير ما زدتو شي
*********
الودعتين الشاحبات ديل حمدو
الاتوششوشو جو يكلمو
الزول الجميل يا سيد ابوه
خطبوه لي زول ودقبايل
لمم عزالك ما يحرجوك
*********
شايلين ريدكم جوه القلوب
ما بيتنسي
المكتوب
فوق الجبين ما بيتمحي

شكرا زوكة على التألق والجمال وبجد لا تعليق
غايتو ما عندى غير اهديك انتى وكل من يأتى عابرا عبد الله البعيو وست الودع

هلا بعودة المشاغبين ..
زوووووووووكة يا مبدعة تحياتنا ليك ...
ومليون شكر علي روعة الاختيار ..

نازك ... سلامات
بالمناسبة البعيو دا من الناس البحبهم جدا ولو تكرمتي عندك اي اغنية ليهو اكتبيها لينا
ياخوي تعال اديك سر
قلب البحب ليه بنكسر[/color]
مين اليكمل ياناس
مع مودتي

كشكشة شديدة

وتظل قصتى مع هذا الودع فيها شئ واشياء ولكنه يظل هو ممارسه اجتماعيه تمشى بيننا
لى عوده اختى نازك وتانى حمدلله على السلامه

هذه الاغنية اشتهر بادائها فنان مشهور بالمصنع وكان معلما بمدرسة المصنع )أ( وكان له فضل كبير في نهضة الفنون الغنائية والمسرحية . انه الاستاذ عمر قرض من ابناء ابايو ريفي القضارف فنحييه من منبرنا هذا وننادي بانضمامه فورا. لقد قدم هذا الاستاذ مسرحية موسى ود جلي والتى كانت تعبر عن صراع جهوى عاد مؤخرا بقوة الى واقع السودان المتخلف

موضوع: ست الودع.. الأحد 16 سبتمبر 2012, 9:21 am

ست الودع....
تبدأ جلسة الودع عادة بعد الظهيرة عندما تفرغ ربات البيوت من أعمالهن اليومية من نظافة وطبخ وخلافه ...ويذهب الصغار للمدرسة أو الخلوة ... يتجمعن فى أحد المنازل ويبدأن فى إعداد الجبنة.. وتبدأ جلسة الودع .. إذا كانت الوداعية محترفة ومعترف بمقدراتها وسط النساء الحاضرات ... يقمن بإخراج البياض وهو عبارة عن مبلغ من المال ويحبز أن يكون من العملة المعدنية... حتى يتبين الودع... فى البداية تقوم صاحبة المنزل بالضربة الأولى... وبعد ذلك تستمر عملية الوهم الذى يقتل الزمن الذى يمثل فراغا عريضاً لهن.. ويتبادلن فناجين القهوة ورمى الودع... والوداعية هى واحدة من المجموعة وتعرف كل العوائل فى الفريق وهى فى نفس الوقت شخصية تتمتع بذكاء فطرى...وتبدأ بتوجيه أسئلة للحاضرات من شاكلة ..{الوحيد} وسط البنات الأربعة دا منو يازهرة... إن شاء الله سعد البنيات يايمة..البت الخضرا أم عيون كبار تبقى ليك شنو ياخديجة ياختى... اللورى جا وشايل شنط وسراير والرجال الإتنين الأخوان يتناقشو شديد وما متفقين يقيفو وين... بس ..بس.. عرفتو مقطوع الطارى أخو راجل بتى داير يودى الحاجات لأمو العجوز المكركبة .. إلا يصبر لى...وهكذا تستمر هذه العملية فى جو من الوهم اللذيذ ...وتنتهى الجلسة إما بتبييض الودع وهو أن تكون كل الودعات السبعة فى وضع واحد ويكون الجانب الأبيض لأعلى...أو العكس ...

التحيه لكل الذين اثروا البوست باراؤهم النيرة وشكرا لكم اخوتى على المرور والمشاركه
الموضوع مهم وسافرد هذا البوست له...

ام تساب كتب:: شكرا زوكة على التألق والجمال وبجد لا تعليق
غايتو ما عندى غير اهديك انتى وكل من يأتى عابرا عبد الله البعيو وست الودع

عزيزتي ام تساب شكرا على الطلة الرائعه وعلي الاهداء الجميل...
رايك شنو نكشكش ليهم كشكشه كشكشتين زي ماقال بهديرنا؟؟

خالد حسن بخيت كتب:: هلا بعودة المشاغبين ..
زوووووووووكة يا مبدعة تحياتنا ليك ...
ومليون شكر علي روعة الاختيار ..

مهندسنا خالد
عايزة اشوف ليك الودع
بنات الصرة الباعينً ليك ديل دايرات منك شنو؟؟
جر جر القريشات وصلن.. ياربي دي قريشات منتدانا الجديد؟؟
كدى يايمه اريتو حالنا اها ياخوي رميت ليك الودع ابقا مارق بابياض

عبد الرحمن موسي ادريس كتب:: ست الودع....
تبدأ جلسة الودع عادة بعد الظهيرة عندما تفرغ ربات البيوت من أعمالهن اليومية من نظافة وطبخ وخلافه ...ويذهب الصغار للمدرسة أو الخلوة ... يتجمعن فى أحد المنازل ويبدأن فى إعداد الجبنة.. وتبدأ جلسة الودع .. إذا كانت الوداعية محترفة ومعترف بمقدراتها وسط النساء الحاضرات ... يقمن بإخراج البياض وهو عبارة عن مبلغ من المال ويحبز أن يكون من العملة المعدنية... حتى يتبين الودع... فى البداية تقوم صاحبة المنزل بالضربة الأولى... وبعد ذلك تستمر عملية الوهم الذى يقتل الزمن الذى يمثل فراغا عريضاً لهن.. ويتبادلن فناجين القهوة ورمى الودع... والوداعية هى واحدة من المجموعة وتعرف كل العوائل فى الفريق وهى فى نفس الوقت شخصية تتمتع بذكاء فطرى...وتبدأ بتوجيه أسئلة للحاضرات من شاكلة ..{الوحيد} وسط البنات الأربعة دا منو يازهرة... إن شاء الله سعد البنيات يايمة..البت الخضرا أم عيون كبار تبقى ليك شنو ياخديجة ياختى... اللورى جا وشايل شنط وسراير والرجال الإتنين الأخوان يتناقشو شديد وما متفقين يقيفو وين... بس ..بس.. عرفتو مقطوع الطارى أخو راجل بتى داير يودى الحاجات لأمو العجوز المكركبة .. إلا يصبر لى...وهكذا تستمر هذه العملية فى جو من الوهم اللذيذ ...وتنتهى الجلسة إما بتبييض الودع وهو أن تكون كل الودعات السبعة فى وضع واحد ويكون الجانب الأبيض لأعلى...أو العكس ...

شكرا لكم يحيي وعوض على المرور والمشاركه
تخريمه...
هههههههههه رميتك خطيرة يا اميرنا الغالي اخطرمن رميتي لخالد
بنات الصرة البعين ليك ديل دايرات منك شنو
جر جر القريشات وصلن...
كدى يايمه اريتو حال البنات الصفاح فى حوش العزبه الرجال اتلمو
بسم الله الودعه دى ما مقبله كدى النبى حجز بلا عجز
يالرسول تالت اخوانو دا مالو زعلان ومقبل كدى... المره الجايه ام تساب تجيب معاها سكره وبنها Very Happy

بقيتي قارئة فنجان يازوكة؟؟
لكن بالجد بوست جميل وجدير بالاهتمام ,,,, وبالمناسبة
أبكر قابل محبوبته حفصة فصاحت فيه: ليه ياأبكر تعمل فيني
كدة ؟؟ سألها عملت شنو ياحفصة؟ قالت له امبارح شفتك في
الودع انت وواحدة تانية خالطين وماشيين على كسلا... قال
لها: كذب المنجمون ولوصدقوا,, نحن كنا ماشيين قضارف

ود الصره

والطي

وتالت اخوانو

والوحيد

والبياض

وهذه الطوابع الجميله

الحمدلله

غايتو الواحد يقرب يفقد هويته ياجماعه

بس تري زي الحاجات دي البتاكد سودانيتنا

وهويتنا ونفخر ان مثل هذه التقاليد حصريا علي روتانا السودان

لكم التحيه وخاااااااااااااصة لي ست الودع اقصد ست البوست

ا