البنات ديل حيرونا

مساء الخير عليكم

والله ى ام تساب البنات ديل حيرونا ما عرفنا الحاصل عليهم شنو

العيد الصغير وانتهى والعيد الكبير وادانا عجاج كرعينو والبنات ديل ما عرفناهم بيعملوا فى شنو

عليكم الله ى بناتنا اظهرن وجيبوا لينا جديدكم منتدىاكم بيسأل عليكم

وعشان البرد شكله جاى على الابواب هاكم الوصفة دى

مديدة الدخن المطحون المقادير :دقبق دخن مطحون - عطرون - ملح - سكر لبن بدرة او حليب

الطريقة : يسخن الماء حتى يصل درجة الغليان

يخلط الدقيق بالماء البارد ويصب فى الماء المغلى تضاف ذرات من الملح يضاف نصف كوب من العطرون المنقوع

يترك فى النار لمدة ربع ساعة يضاف السكر واللبن يترك لمدة خمسة دقائق بعد ذلك تكون جاهزة تقدم دافئة

وبالهنا

لكم التحية اخى خالد والعزيزة ام تساب

وعشان المديدة عجبتكم وبتحبو الدخن

هاكم الوصفة التانية دى : مديدة ام جنقر الايام دى طالعة موضة فى الخرطوم

المقادير : دخن مقشور روب او ذبادى او عرديب سكر هبهان مسحون ناعم زنجبيل مسحون ناعم



الطؤيق : يغسل الدخن المقشور ويترك ليجف

يقسم الى نصفين النصف الاول يسحن ناعم والنصف الاخر يكون مدروش

يسخن الماء ثم يضاف اولا الدخن المدروش حتى ينضج ثم يضاف الدخن الناعم والهبهان والزنجبيل ويحرك الخليط ثم يضاف الروب او العرديب وىحلى بالسكر يترك لمدة عشرة دقائق ويقدم وبالهنا

ويمكن اضافة قليل من الطحنية

والى اللقاء فى وصفة جديدة

اهلا بالعزيزة الطلت علينا نازك وتانى ما تطولو الغيبة

ومديدة البلح مع اللفيمات حاجة روعة

ومشكورة لحضورك وتلبيتك نداء الاحبة

ما تنقطعى وربنا ىساعد الجميع