الشاعر .. الحسن ود سالم

نايرات الوجَنْ
الحسن ود سالم

نايرات الوجن
تومي متين لي يجن
نامو الخلوق والليل جن
مرسالي جاء وقال لي جن
ماشات علي يدرجن
ميهن خفاف يتبرجن
ريفات صغار بنات عجن
زي الجواهر يلهجن
من غير شمع هن سرجن
أخدن معاي ساعتين رجن
شالن فؤادي وعرجن
جمل قوافيك للوزن
لي الجمروه وبقى للوزن
أخفي الاسوم لا تفرزن
جنّ عشوقن عايزن
فارمة الكبد بي مقصها
قصصا عياني قصها
قادت المحزم نصها
وحلاهٌ روحى بنصها
قاموا الخلوق وقفوا ليها صف
مدبور ساقك ما أصف
مراية خديدها الاتلصف
مظلوم أنا وقط ما اتنصف
أصبحت حائر بي الدليل
وكايس لماك ما لقيت دليل
كاتلاني عندي عليك دليل
عينيك صاد ود الدليل
برسل سلامي بعد ما
دودا السحاب كر حبّ ماء
يمسك يديك ويلثما

» اجمل ماقال الشاعر محمد الحسن سالم حميد
» محمد سالم البقاء لله
» قصيدة النخلة للشاعر محمد الحسن سالم حميد
» بكائية الشاعر محجوب شريف يوم الانفصال
» الشاعر مهدي محمد سعيد في ذمة الله