دواء الصقت

أحبة المنتدى
بما ان الشتاء طرق ابوابنا اليكم هذا الدواء وقديما قالوا وقية وقاية خير من قنطار علاج
مديدة الارز
المقادير
نص كيلو ارز
سكر
فول سودانى مدروش
لبن بدرة او حليبا
الطريقة
يسحن الارز
يسخن الماء
يخلط الارز بماء بارد ويضاف الى الماء المغلى
يترك حتى ىنضج
يضاف اللبن والسودانى والسكر و
يترك لمدة عشرة دقائق
ينزل من على النار
يصب فى قوالب
يقدم ساخنا وبالهنا

لكالتحية اختى ام تساب

وأشكرك على الاطراء

والله المديدة دى فعلا جميلة ولذيذة وتفعل فعل البيركتين والمسيقور بفاعلية عالية وليس لها اثار جانبية ولا داخلية

فقط شوية شحيمات ولحيمات لمن اراد ذلك وحقه اختنا اقبال بعد طلة الليلة بعد طول غياب تعمل ليها منها حلة كبيرة وتقعد تجغم سااااااى

وبالهنا

التحيه والاشواق والشكر الجزيل عن هذه المعلومه الغذائيه المهمه
وزيدونا من هذا البحر زيدونا

فى الشتاء ^^
.
.
.
.
.
.
.
.
.
عادى جدا تشوف ملايه داخله المطبخ ووحده داخله الغرفه
والغريب مابتعرف الجوه الملايه منو الا يحصل حادث ^_^ بينكم



التحيه لصاحبه بوست المدايد الدافئه

شكرا اعزائى عى المرور

اخى ودالسيد زى ما قلت السحلب دا حق المصريين لكن تقريبا نفس المكونات وممكن يعملوه ليك هنا بالنكهة السودانية والدنيا لسه شتاء

اختى زوكة لك التحية ودعواتنا موصولة لكافة الاعضاء دون فرز وربنا يحفظكم ويحقق امانيكم

وسنتحفكم بالمذيد

التحية للجميع


والله ىا اخوانى انا ما قايلة المدائد دى عندها زباين كتاااار كدى ومعليش اتأخرته عليكم كان عندنا عرس ود اخونا الحمدلله دخلناه بيته وعقبال الشباب

والله ىا اخونا علاء ام تساب ماقصرت معاك جابت ليك عشقك المديدى على طبق من ذهب رغم انه شوف العين ما بيقتل الغزاال لكن برضه الفرجة ولا صمة الخشم

اخونا عبدالرحمن حياك الله فى ناس ربنا بيسهل عليهم معيشتم بقدرة قادر سبحان الله هناك فى الحاج يوسف المكان الوحيد بتلقى سلطة كاملة بألفين رغم انه فى سوق بحرى ربطة جرجير واحدة بألفين

غاينو الناس ديل ؤبنا شايفهم وحاانى عليهم كل شى عندهم قدر ظروفك حتى ربع اللحمة بيقسموه ليهم على اتنين والجدادة على اربعة ممكن تشترى ربع جدادة وما تموت بيشوقها غايتو الناس التانين الله يكون فى عونهم

اختنا امتساب ماقصرتى معانا شاركتينا صورة وصوت سمع وشوف بعدين بليييييل كدا نديك وصفة مديدة البلح الما خمج

فتناكم عافية