عضو جديد .. هل من ترحيب ؟

السلام عليكم ..

بدل الواحد يقعد يعتذر ويسوق التبريرات ..ويحلف ليكم زي حليفة هيثم مصطفي في قناة الشروق ..و

مشتاقين كتير والله ..وكده ..أخوكم عضو جديد معجب جدآ بمنتداكم ..وعندو شوق وحنين لذكريات قديمة

بالمصنع .. فهل من مرحب ؟

ممكن أهدي ؟

أم تساب إنشاء الله سيدا ما ينفعكم

يا بتاعين الكجور ..كان ما كجرتو ما كان سجل في المريخ

يا أمير ليك وحشة يعلم الله

حللتا اهلا ونزلتا سهلا

حبابك يا جميل
وبركة الجيت ويعلم الله احترنا في غيابك دا
يا زول دا دستور ولا احتجاج صامت على الدمار وخوف من القيامة القربت تقوم الليلة ؟..
الف سلامة

مندوكرو ياجميل...
ياخ حمد الله ألف على السلامة.. الجابتك لينا..
يازول ...ماحيرتنا ...
ونعتزر ليك نحن .. ماإتصلنا..لكن سألنا عليك كتير..
ويشهد علينا السيد المدير.. وناس البيت فى البلد...
ظل مطامن مكانك دوماً فى القلب محجوز..
وفى المنتدى فضاءاتك تحن لحروفك...
سعدنا اليوم بقدومك..وعودٌ على البدء والعودُ ..زاهرُ...

شينه منك نحنا نسال ديمه عنك
والله العظيم خالق النيلين والتاكا مشتاقين الى درجة ان الاسماء اصبحت اشواق
وطالت الغيبه حتى حسبنا انها ظاهرة البيات الشتوى
وين يا راقى
وين يا ذوق
وين ووين
وين الكلمه
وين الفكره
ووين انت
يا مننا وساكن فينا
ادخل وشوت ضفارى اوكدارى المهم شوت يا زميل الوجع والهم النبيل

ومشتاقين وما ببل الشوق الا قلمك الصادق صدق صفاتك

ياسلاااااااااااااااااااااااااااااااااااااااااااااام
سلامات ياجميل ويمين الله مشتاقين ,,,,
ياسيدي الكورة بقت عالم قبيح ,,, اصابتها لعنة
الساسة وقذارة السياسة وبالتالي تفككت كل المنظومة
من ادارة واعلام ولاعبين وحتى الجمهور,,,
باختصار كدة الكورة لحقت أمات طه أسوة بالزراعة
والجنيه والوظيفة والتجارة وووووو

........ الله يجازي ال كان السبب.............

عفوا يا رجل
هذا المنتدي فقط لابناء المصنع .. واحباب المصنع .. و شباب المصنع
ولا مكان فيه

لـــ للترحيب ..
بــ سيد شيوخ المصنع .. ورائد من رواده ..
وحبيبهم
وشوقهم اللامتناهي ...

احبك يا (جنا أرب) .. يا مندكورو .. حتي تختلج مشاعر ذاتي ..
يا ملهم ..
يا وريف
يا جميل
يا مدهش
يا عبق
يا ويا ..
اشكر لك نبلك .. ووفاؤك .. وشوقك لنا كما شوقنا لك ..
ما نسيناك .. بس عارفين البشرب من موية الترعة برجع تااااااااااااااني لي اهلو واحبابو ..
فرحت والله شديد بعودتك يا نبيل ..
مرفق حبي .. ومئات من زاد الشوق والحنين ..

حبااااااااااااااااااااااااااابك
مااااااااااااااااااااااااااك
غرييييييييييييييييييب

وسيدا يا اخوووووووووووووى
قشة ما تعتر لى دة كاااااان فاااضلو شششششششششششششئ

والله يا مندكورو زي ما قال عوض شينه منك
يا اخي ما ممكن بيقيت زي هلال العيد تجي تغشنا بي كلمتين وتكب الزوغة
قبل سنة ونص تقريبا كتبت بوست صغيروني بعنوان ( الفيكم اتعرفت ) وخليتنا كلنا بي مديرنا العام نعتذر لعدم السؤال عنك ومن ديك وعيييييييييك تاني ما ظهرت
ولا لازم تعذب الناس البيحبوك
برضو بي نقول ليك لانك مندكورو
أهلا بك مجددا يا حبيبنا ويا عسلنا المشتهنو
حقا فقدناك فمقامك كبير يا كبير ونعلم علم اليقين انت من يعطر جوانب المنتدى بالطيبة والنقاء
فمرحبا بحضورك الزاهي والانيق على قلوبنا وعلى صفحات المنتدى الممتدة شوقا و ودا وصفاء

يا سلااااااااااااااااااااااااااااااااااااااااام يا زاهر

يا اخوى والله فقدناك عدييييييييييييييييييل كده ولى كم يوم بزازى بى بره بره وشايفة ضو كده ما طبيعى اتاريه نورك ابقى داخل من دون اعتزارت

وقلت لى حليفة هيثم!!!!!!! عاد ياها تربية القبيلة الزرقاء وتحت تحت كده قالوا الاحمر سجله خوفا عليه من النفسيات

مدخل أول..
يامندوكرو ياخى تعال ..
أرجع لعشك...العش يحن لتغريدك..
والعيون تسأل وين درب جيتك ..وين مواعيدك..
ماحرازنا راجى جيتك عودة نوارسك..
عشان يخضر بمواويلك...
ياخريفنا المشتهنو ..
ياخزينا الداخرينو..
حليل أيام غناك ومشاويرك...
وكتمممممممت................فى قلبى ....ع..ن..ا..و..ي..ن...ك...

السسﻻكم عليكم ورحمة الله وبركاته.. ثم مشتاقين. شكرآ لقبول عضويتي. وعلي الترحيب الحار .. وعلي الطﻻق ﻻﻻ اﻷخيرة ما تحسبوها.. وعلي بالي داءمآ.. وعلي بركة الله..

دوما اقولها وسأظل ارددها المصنعجيه مهما تأخروا فانهم يأتون

من قلب مزارع القصب حتماً سيأتون..فلنبقى الأبواب مشرعة بالتواصل والمحية..

مندوكورو اين انت يا عبق مصنعنا الذى لا يغيب فمكانك فى قلوبنا ياهو مكانك
اذا تدفق فينا يا من انت فينا كل الاشياء والله شوق مثل شوق بلادى الى الحريه ......

» حباب: تاج .. عظمه .. ياسر
» عواطف على محمود
» كوكبة جديدة
» عوض عمر .. حبابك
» عزة فرح عوض الكريم ادريس ... حبابك