بلد مفروشه بالبكيات فلان عيان فلان داك مات فلان سجنوه في شيكات فلان داك ساب ولادو وفات صبركم جاب السنوات ضرائب وكهرباء وحاجات جمارك وجوطه اجراءات عوائد وجوقه ايصالات وزولك اصلو غلبو ثبات بلد حاكماها شلليات ومسئول بس بتاع ناسات عماراتو البقن ناطحات وعرباتو الهناك سمحات واموالو البقن شيكات في ناس بين يوم وليله زوات وناس دايشه ولحقت الاموات اسر خاماها بالميات واسر عايشاها بس ركشات دوام غرقانه سلفيات صبح شعب البلد طبقات ناس ماناس وناس راحات ناس بالخاص وناس بصات وناس لا راحت ولا جات وناس لابتوب وناس الات وناس ماعارفه انو العولمه جات وناس هاجمين وناس باكات وناس بتعشو حلويات وناس طوالي بس فتات ورغم تراكم العبرات وصوتنا البحه في النبرات واهاتنا البقت صيحات بتسرحو انتو في الفارغات تدفعو فيها مليارات تحنسو بيها في الحركات وتشترو بيها في السادات وراكبين ديمه طيارات بدل سفريه دولارات فنادق راقيه ونثريات وفود راحت وفود ماجات وناس شبعانه سفريات هدوم وجضوم وكنجالات ونقه مع الفضائيات وشعب اسير صبح يقتات علي المغصه الابت تتفات وعاشت بينا بالسنوات بلد مليانه بالاهات نفاق وشقاق وارهاصات وخوف استوطن الحارات ومسئولين ضميرهم مات يتمو الصفقه كومشنات ويعملو فيها ناس صلوات سجون ودموع ودفعيات حكم زنديه رشاشات وباقي الشله غواصات اقول ليكم كلام بالجد خلاص والله وصلنا الحد متين ايد القبش تتمد وجدران الخداع تنهد ويتقدم عشا البايتات .. يفاوضوهم علي الثروه يسيبو المن والسلوي وتمشو تكوسو للحلوي بلد معطونه في البلوي وضاربين انتو كنداشات تشيلو قروشنا للخارجين وتقعدو فوق لدا شبعانين وشعبنا كلو محرومين يعيش بالاستلاف والدين طعامو قليل وكلو فتات نفوس شقيانه محرومه ورؤوس طوالي مهمومه وعروش بالبطش موسومه وكروش وقروش ومايقوما عروض مفروشه في الساحات ...،. بنات ضارباهن البوره واولاد شرشحه وكوره حكايه شعب مشهوده ركب في حكمو ماسوره ووجع الامو كميات بيوت عشعش عليها الهم حكاويكم تجيب الغم تمرد وناسو سافكين دم يفاوضوكم بتدفعو كم وجاهذين انتو بالكاشات معارضه بس لعب اطفال مكاجره بس عشان المال اووووووووووووووك كتره احزاب وسوء احوال بلد جد حالو بقي بطال محال تحميه بالكلمات حليل وطني وحليل ناسو سقانا المره ب كاسو وضرب طايوقنا ب فاسو اكيد ح نكاتل انجاسو ونصبح برضو ناس حركات .........................................،،....................................
