أمى الحبيبه

استأذنكم فى نشر ما كتبت بعد فاة والدتى الله يرحمها فى العام 1986م
والكتابات بوجعات الله لا وراكم الوجع
***********************
رحلت عنا العزيزه امى العديل والزين
رحلت عنا وكان فراقك شين
ولى شفاك والله كنا منتظرين
لكن ده المكتوب اكان الليله او بعدين
وحاتك نحن لى عطفك محتاجين
اه.. تانى وين الحب العرفنا سنين
اه.. رحلتى خلاص سيبتى بناتك لمين
اه.. حزناً بعدك زاد وشلتى الفرحه من العين
سافرتى سفراً طول بعاده سنين
امى انت فتى خلاص ياربى انت وين؟
استغفرالله العظيم انت عند المولى الكريم الزين
فى جنة الخلد انشاءالله مع الصالحين
فى الفردوس بين الزهور والبساتين
بصلى ليك وبدعو ليك بين كل سجدة وسجدتين
بقرأ ليك ما تيسر من القرآن وكمان يسين
اه.. ياربى لى دعواتى قول امين
واستقفر الله العظيم من ذنب عظيم

12/9/1986 الجمعه الســ9ـاعه
عذراً...