المتابع للأغنية السودانية بمختلف تكويناتها من فنانين وشعراء وملحنين بإمكانه أن يقسمها
الى مدارس فنية متعددة وأشهر هذه المدارس على الاطلاق مدرسة البكائين أو الانكساريين
الذين يتلذذون بآهات وآلام العشق والهوى .....
العندليب زيدان ابراهيم_ حسب اعتقادي_ هو اميزهم وكبيرهم فلاشك ان جل اغنياته
تنطوي في هذا الجانب .
في الليلة ديك لاهان علي أرضى وأسامحك ولا هان أعتب عليك شلت الجراح والابتسامة
وكل حرمان اليتامى جيت أهنيكي وأصافحك جيت أقول مبروك عليك ومديت يميني بلاكلام
وماقدرت قدامك اقيف ورجعت حابس ادمعي.... حسيت بالوجود ماخذ سواد من حنتك
شفت الدموع خلف الرموش مكبوته بي حسرة وضياع ورعشة الكف الخضيب مقرونة
بنظرة وداع جابو القدر في سكتك....
تأمل معه حين يترنم قائلا:
معاك قضيت عمر السنين افرش طريقك بالورود وابني فيك سور الاماني ماحاسي بي زول في الوجود
عمري مافكرت انك يوم حاتخلف للوعود لاكني مافاقد الأمل امكن تحن ترجع تعود ....
ومن رواد هذه المدرسة ايضا الفنان الراحل المهندس هاشم ميرغني
"اشيلك في حباب عيوني اخاف النظر اجرح امسك
اشيلك في حشاشات قلبي جوه برضوا الناس تحسك انا وين ادسك"
"لو خلاص خليتى ريدى يكفينى خاتمك فى إيديا"
"لو كنوز الدنيا راحت صدقني روحتا مابتاثر
انا اشتريت بيك عمري كلو كلو ..مافي غير فقدك بخسر...
"الفرح في دربي عارفو ...اصلو مابطول كتير....ذي غمااااام في سمايا عدا
وسابني في عز الهجير...كم فراش علي ورده طلا اصلو ماقايلو بيطير فات وراح شايل نداها
وخوفي من نفس المصير....
ثم يأتي الفنان الكبير الراحل احمد الجابري كرقم كبير في خارطة الاغنية السودانية وأحد
عمالقة هذه المدرسة:
"أنت ياقلبي المتيم كنت خالي كنت نايم مارأيت سهد الليالي كنت قايل كل شي في الدنيا حالي
جيت لقيت باب الغرام فاتح دخلتا ومن شراب الريدا يامسكين نهلت وإبتديت تعشق ياقلبي وانشغلت..
كنت جاهل والعشق ظنيتو ساهل إلا ياريتك عرفت وماجهلت"
"مافي حتى رسالة واحدة بيهـا أصّــبر شـوية والوعـد بيناتنا انك كل يوم تكـتـب إلي
هل يجوز والغربـة حـارة وبالخطـاب ... تبخل عليّ"
"ﻫـﺎﺕ ﻳﺎ ﺯﻣـﻦ" "ﺟﻴــﺐ ﻛـﻞ ﺃﺣــﺰﺍﻧﻚ" "ﺗـﻌـﺎﻝ ﺟﻴـﺐ ﺍﻟﻤﺤــﻦ" "ﻃــﻮﻝ ﻳﺎ ﺃﺳﻰ ﻭﻛﺘﺮ ﻳﻨﺎﺑﻴﻊ ﺍﻟﺸــﺠﻦ"
"ﺟـﺮﻋﻨﻲ ﻛﺄﺱ ﻣﻦ ﻟﻮﻋﺔ ﻣﻦ ﺍﻻﻣﻲ" "ﻣﺎ ﺍﻟﻤﺤﺒﻮﺏ ﺧـﻼﺹ ﺧﻼﻧﻲ ﻟﻴﻚ ﺍﻟﻠﻴﻠﺔ ﺭﺍﺡ" "ﺧﻠﻒ ﻟﻘﻠﺒﻲ ﺍﻟﺤﺴﺮﺓ
وعندما نتكلم عن مدرسة البكاء والسهاد لابد من المرور بمحطة الفنان الكبير الراحل عبدالمنعم الخالدي
"ياريت كــــــــــل زول تائه يلاقي الريده في دربو عشـــــــان الناس تحب الناس وزي عينينا يتحبو
ما اصـــــــــــلو البزورو الريد حب الناس بزور قلبو.نشيل الريـــد في كل النــاس عرفنا الريـــدة
في الطيبــــة وحلاوة الريدة في الإخـــلاص"
"قول الكلمة ماتاهت خلاص في الظلمه
واعاتب الليل دا ماليلاً طويل يا سلمى
انت ما شفت العلي دوام عشان حبك بقاسيهو
اصابح في خيالك ديمة وارجو الليل اماسيهو
بخاطب في سراب الحب ومرات انسي اجافيهو
بكبكب في دموع الشوق نكدي الما بخليهو
و كم _حباً ضاع كما ضاعت سنيني اليوم بنحميهو
تقول قال الحديث بينا بنخاف النسمه تمشيهو
وانت ليه ياسلمي يا ظالمة بتكوي قليب وتطويهو
بتحركي روميو من قبره وعنتر في غوّانيهو
غريبة الدنيا غريبة الدنيا غريبة الدنيا
كم عاشق صبح طربان تبكيهو
وكم قلبا منور شوق تطفيهو
وكم وعدا يقرب يبقي تلغيهو
غريبة الدنيا غريبة الدنيا غريبة الدنيا
حليل شوف عويناتك تلاقيهو
يدور يرجع وتحلف ما بتخليهو
وياما عشنا في نشوة قبل ماحبي بنشئيهو
وياما ادفقت عبرات تزكي حنانا ترويهو
غريبة الدنيا غريبة الدنيا غريبة الدنيا"
....................... ألا رحم الله هؤلاء العمالقة زيدان,هاشم, الجابري والخالدي لماقدموه
من ابداع ولازال المتلقي يجد الملاذ والروعة والدفْ والجمال خلال اغنياتهم الخالدة....
وليكن هذا البوست ملاذا للعشاق المشوكشين علهم يجدون ضالتهم بين سطور تلك الاغنيات
بدلا من السهاد وحساب نجوم الليل ...... خالص الود"
