مذكرة ازواج

موضوع: مذكرة ازواج الإثنين 17 يونيو 2013, 3:42 pm

اقتباس :: وحده زوجها دايم يدعي عليها
وبيوم من الايام كانت تقوم زوجها لصلاة الفجر بصوت عالي لان نومه ثقييل
المهم الرجل عصب وقام وهو زعلان وقام دعي عليها بين الاذان والاقامه يارب يجعلك بكماء وماعاد اسمع صوتك بحياتي ..وهي سمعت

هي من النوع الي بالها طويييل
رجع زوجها من الصلاه وهي نايمه على سريرها ويناديها يا فلانه يافلانه عايز فطور وهي ساكته هو استغرب لانها دايم ترد بسرعه!
مشي عند اذنها وناداها ابت ماترد قام الرجل يحركها ويقول فلانه فلانه قامت وهي تناظر فيه وساكته
قالها اكلمك انا !
حركت يدينها تفهمه انها ماتقدر تتكلم احتااااااااااااار وتأشر بكتفها تقول ماعارفة
هو انصدم وجلس يستغفر ووجهه مقلوب وهي ساكته!
ومشي الدوام وكل شوي يتصل عليها وتفتح الخط وهي ساكته انهبل الرجال وندم
رجع البيت وجلس يحاول معاها تنطق ولكنها ماقدرت،ووداها المستشفى وسوت فحوصات في قسم النساء وطلعت ومعاها ورقه وقلم ولمن سالها زوجها كتبت تقول الدكتوره انتي طبيعيه 100% ولكن السبب مو واضح!
قال لها بوديك بكره لشيخ يقرا عليك يمكن يفرجها الله! ووداها للشيخ ولمن قرا عليها كانت طبيعيه 100%ماتاثرت ولا شي!
قال الشيخ مادري يمكن المستشفى ينفعها!
زوجها احتار وعرف ان الكان بسبب دعوته بس ماحب يقول ليها شي!

رجعوا البيت كتبت له بورقه
(هذا جزاي اني حريصه عليك من الذنب تدعي علي بهذي الدعوه لكن ماقول الا حسبي الله ونعم الوكيل )
زوجها تحسف تاسف لها واعتذر!
ومرت على القصة ثلاثه ايام ومشي زوجها جاب ليها هديه خاتم ذهب
واليوم الرابع جاب لها ورد ويعتذر منها،وهي تقول كتبت له انا ماعاد اقدر اصحيك للصلاه لانك ماتقدر تسمعني اسوي شنو ؟
قالها عادي هزيني من كتفي وبصحى
بقت ترش عليه مويه ويصحى وهو مفجوع بس يسكت لانه مايبي يزعلها !
ومر اسبوع والوضع مثل ماهو والزوج صار شايل هم بالدوام مايكلم احد وبالبيت يراضيها ويفكر في علاج لزوجته وصار يقرا عليها ويجيب لها ماء مقري فيه ووصى على مآي زمزم
ويتفاهمون مع بعض عن طريق الاوراق والكتابه وتعدل زوجها معها كثير وتعدل بصلاته ولكن بعد شنو!
صارت كل صباح تكتب له كلام يقطع قلبه
المهم بعد اسبوعين من الوضع هذا بدأت تتكلم وسجد سجود شكر وعدها يوديها تعتمر

وهي كانت تمثل عليه بس عشان يحرم يدعي عليها مره ثانيه ،،
صدق كيدهن عظيم

صابره أسبوعين بدون هذار قمه العظمه
ھَھٍھَھٍھَھٍھَھ*ٍھَھٍھَھٍٱإي =))

إن كيدكن عظيم..

والمرأة حقيقة هى ممثل محترف..
ولكن الدعاء السيء منهى عنه وقد يعود لصاحبه
أو يقع وأيضا يصيب قائله بالندم..ليت كل الناس تتعود على الدعاء الطيب
خاصة فى ساعات الغضب..شكرا إقبال..

الاخ عبد الرحمن تسلم علي الاطلالة والله في الحقيقة البوست فكرت اسمية كيدهن عظيم فلكن قررت اعطية اسم مذكرات ازواج بحيث تكون البوستات الجاية شاملة المحتوى..............
حقيقة كما ذكرت الانسان يتكلم بالخير او يسكت خاصة في العلاقة الزوجة لا ن المراه عموما اذا غضبت مااااااااااااااااااابترحم

كيدها طلعها بفائده ونتيجة (العمره) دي بالها طوييييييييييييييييييييييييييييييل شغالة طبعا صامت لوكانت بالهاماطويل وووووب؟؟؟؟؟؟

موضوع: رد: مذكرة ازواج الخميس 27 يونيو 2013, 1:16 pm

:هو: المراة دي جنت ولا شنو ... والله دي سواية مجانين بس
: هسي عليكم الله رقية دي ماله .... الا يكون عندها سبب ما براها
: سبب شنو البخلي مراة تعضي راجلة .... يا انتي
: يمكن طعنا في شرفه
: عليك النبي شوفن جنس التخاريف دي
: ولا يمكن شافتو مع واحدة
: هسي في ذمتك دي .... حارة الخيانة ولا حارة الضرة .... عباس ده ما اتزوج فيها قبل سنين ليه ما عضتو ... لمن تشوفو مع واحدة تسوي سوايته دي
: هههه ....يمكن بتريدو
: اسكتي انتي كمان .... ريدة شنو .... لو كانت كل مراة بتريد راجلة بتعضيهو كان رجالنا كملو من زمان ....من كترة العضعيض

عباس رجع لافي ايدو ....نافخ جضيماتو ..... حلف بالطلاق انه المراة دي ما تقعد معاهو دقيقة في البيت ... من دربها ده لبيت اهلها ...يا عباس قول يا لطيف .... يا عباس اخزي الشيطان .... دي عشرة سنين
: يا عباس صلي علي النبي .... دي ام اولادك
: تشيلهم معاها .... بس تتخارج لي من البيت ده
: يا عباس اهدى
: اهدى شنو .... بعد اربعين سنة جابت ليه عضعيض كمان .... ياهو الفضل
: يا عباس اكيد في سبب ما ساكت المراة دي قامت من النوم ولقتك راقد عضدتك
: اين كان السبب في مراة محترمة تعضي راجلة
المسألة بقت بوليس كيس .... رقية مشت للقسم ولقت الشاويش على ...قاعد ... وقالت الا تفتح بلاغ في راجلة عباس ....
: آآآآآآآي عضيتو .... الراجل الاضينة ده .... الراجل الدلوكة ولو لقيتو تاني بعضيهو.... كيتن كده
: اهدي يا حاجة رقية .... الامور ما بتتعالج كده
تبكي رقية الشايقية النجيضة .... تبكي وتكورك ... انا ما بسيب حقي .... انا امك يا جعفر ....عُشرة سنين هانت على الراجل المزعمط ده .... الله يقطع سنينو ..... الله يكتلوا ان شاء الله ... صبرت عليهو الراجل السكران... الحيران .... ما قدر صبري

دخل العسكري ومعاهو عباس رابط يدو .... يعاين عباس لرقية
: تفي عليك يا مراة يا عضاعضة .... يا مراة يا مسترجلة يا قليلة الادب
: عليك يا عرور ....... يا مصرمع
الشاويش على يهدي في رقية وعباس ..... ورقية تبكي ... وعباس نفسوا طالع ونازل .... الولية جابت كثافتو ....رفعت ضغطتو ....
: احكي يا عباس الحاصل شنو
: يا خد نفس .... يسكت شوية ....ينفخ في الهواء ... والله يا افندم ... المراة دي من اتزوجتها ما شميت عافية ....يوم ضارباني بالشبشب ، يوم فالقاني بي حلة .... وهسي جابت ليها عضعيض..... بكرة يا افندم بتجيب ليها سكاكين كمان

: سكين اليكتلك يا سكران
: سكران بي حقي يا وليه يا خرفانة

الشاويش علي يهدي تاني ... واصل يا حاج عباس .... يا افندم انا نايم في امانة الله ... في الصباح القي الولية الخرفانة دي معلقة في ضراعي ده .... ومغرزة اسنانة فيهو ... لمن جابت لي تتنس ....قمت من النوم مخلوع اكورك زي الراكبني جن ..... دي سواية مراة نصيحة .....
تتدخل رقية .... :ما توريه عضيتك لي شنو يا سجمان

: وريهو انتي يا الفاهمة يا الراسية
: ورينا انتي يا حاجة الحاصل شنو

تبكي رقية .... والله يا جنابو الشاويش انا صابرة على السجمان ده اربعين سنة ما قلت بغم .... جاب لي الضرة ما قلت حاجة .... يغمز للنساوين في الشارع قلت بكرة بزهج ... يعاين للبنات المايعات في التلفزيون أقول تخاريف كبار ..... يجيني سكران أقول بكرة يعقل.... آخرته كمان في النوم ..... ينادي في نناسي عجرم و يتغزل في شكيرة .... وانا نايمة جنبو زي القفة والصباح اقول ليه ده شنو يا عباس:

: يقول لي خلي صدرك واسع زي نجوى كرم.