حريق الشوق
♡♡♡فيصل محجوب محمد
تعبت خﻻص
من سكة الاشواق
ودرب الريد الطالت خطاويهو
اشيل اﻻمل جواي
الاقيك امتع خاطري بي حسنك
الانت مني داسيهو
امرق مع شرقة شمس تضحك
ويوم بالفرح مزدان
مابقدر اضاريهو
اقيف في ناصية واتمني
تسوقي الخطوة تﻻقيني
اشبع شوقي وارويهو
تنزلي من برجك الزاهي
علي خديك لون ورده
تبسمي لي قلبي وتداويهو
تنشري في دربنا
من شذاك عطور
تمدي اﻻيد تسالميني وتراضيهو
قلبي الوقف في رجاك ولهان
كاتلو الشوق لي رؤياك
من صبحت بكفيهو
حريق الشوق
وامل شوفة عيون ظبية
سكنت في شراينو ومرافيهو
طالت وقفة الاشواق
ﻻعينك من عﻻك تطل
وﻻ صوتك يرسل غانويهو
رجعت وحزني ماليني
وفي جواي اشواق ببتحطم
وحنيني ماقادر اخبيهو
اصبر نفسي بي حرقة
واقول يمكن بعد لحظات
خيال طيفك بﻻقيهو
اشيل اﻻماني عشم
وارجع لي ناصية الاشواق
اطير من الفرح واناديهو
قلبك الرياد
حبيبي الكنت راجيهو
واقف في ناصية الاشواق اﻻقيهو
اصلي ما مصدق
عيونك برضو مشتاقة
وانا الرجعني هواك يحكيهو
تﻻقينا واتعاتبنا كم لحظات
واتصافينا حضنا الحب
واتعاهدنا نحميهو
