شعر /عوض احمد ادريس
من مواجعى
ومن مواعيد الصدق
نزلت تبادلنى الحنين
نزلت تبدل فينى ما كان مستحيل
متهندمه بعفتا
ومتسلحه بجبرتا
ولو قلتا اوصف خلقتا
ما لى قول
غير انها هى المدهشه
الماسكه قلبى عليها بالحن والوفاء
انا ماشى كنتا على البعيد
وفى جوفى متشامخ حريق
الا بس نزلت على
طفله وعشم
مرسى و وطن
همسه وشجن
قت ليها يا بت ادخلى
شدى الشراع
زيدى الصراخ
قاومى الصراع
وادينى بس من جبرتك
ضمينى زى ما بتشتهى
واتمددى
لا ترجعى
وبعيونك هدمى
للتخاريف البتشتل وجعتى
وانا يانى راجع بعيونك
للقصيده وغنوتى
للمدائن وفرحتى
واغنى ليك فى كل حين
يا شفق
ويا موجه شائله مودتى
يا طفلتى
يا قصتى
ويا سجدتى
لا ترجعى
ما انتى اخر رحلتى...........
امدرمان 6/مارس/2013
