العريس ايهاب الطاهر

اسرة المنتدى تتقدم بخالص التهاني للعريس ايهاب الطاهر عبد الله شقيق عضو المنتدى الاخ ياسر الطاهر بسكر حلفا الجديدة، واضع البصمات الفنية الاولى للمنتدى والرجل الذي وقف مرحبا ومؤازرا ومساندا للفكرة وهى لم تنفذ على ارض الواقع .. وبيت مال وعيال للعروسين ..

ونهديء للعروسين (لي في المسالمه غزال
نافر بغني عليهو
جاهل وقلبو قاسي
وقلبي خاضع ليهو
مِصباح الجمال الربنا مِعليهو
زايد في الكمال نور الجلال جاليهو
لو شافو الغزال على نفرتو يواليهو
لو شافو القمر ينزل يبوس قدميهو
كل من شافو قال أنا بالنفس بفديهو
هو غصن الرياض الزاهي في واديهو
أزهار الربيع ما زي زهور خديهو
وجدلات الحرير ما لينه زي آيديهو
والدو معجنّو على فطرتو مربيهو
هو الشخص الوحيد في الدنيا مافي شبيهو
إدلل علي وأنا حالي ماغابيهو
سابني في نار هواي وشال قلبي يلعب بيهو
هو أمير الهوى وقاضي الغرام مفديهو
لو ماجار علي في قلبي كيف أصفيهو
يا قلبي الحزين أنت الصبر خاتيهو
إن جار أو عَدل سيبو اليتيه في تيهو)

ومقطع اخر (مالو اعـياه النضـال بدني وروحي ليه مشتهيه ود مدني
ليــت حـظي سمح واسعدني طوفة فد يوم بي ربوع مدني
كــنت ازورو ابـوي ودمدني واشكي ليه الحضري والمدني
آه عـلي حشـاشتي ودجـني وحـنيني ولوعـتي وشجني
دار ابـوي و مـتعتي وعجني ياسـعادتي وثـروتي ومجني)

يافارس الرهان الماكبا
يانجما ضواي ماخبا,,
****
زول بفرح بالعديلة وقصة الريد الطويلة
ناس تجيهو تغني ليهو وناس تبارك وناس تهني,,
****
أجمل وأرق التهاني موصولة للاخ الصديق المهندس/ ايهاب الطاهر
بمناسبة عقد قرانه قبل ايام ,,, سارعت بالاتصال به فور علمي بالنبأ فذكر ان الامور كلها تيسرت وبقدرة قادر تم تحويل المسار من خطوبة الى عقد ... نسأل المولى عز وجل ان يتم نعمته ويبارك لهما ويرزقهما المال والعيال وستر الحال,,,, وتهانينا لاسرة العريس خصوصا الاخ العزيز ياسر وعقبال نفرح كمان بالاخ الفاتح...

» زواج الجميل خالد بله محمد سعيد
» زواجي اخي الغالي جدا (دعوه الزواج )
» دعوة فرح للاخ العريس رمزي
» العريس نادر احمد عمر .. الف مبروك
» العريس جمال جلال ابراهيم ..