جديد حواء فى رمضان

بعد ايام يهل علينا الشهر الكريم بما يحمله لنا من بشريات ،،،،،،،،،،،،،،،،،ومعروف عن حواء السودانيه انها تستعد لرمضان بشكل خاص على غير الحواءات وعندنا اطباق كتيرة جدا مرتبطة ارتباط كلى بى رمضان وقل ما نجدها فى الفطر وعلى سبيل المثال البليلة وسلطة الروب فهذان طبقان رئيسيان فى صينية رمضان ،،،،،،،،،،،،،،،،،هذا العام وبمناسبة افتتاح منتديات المصنع بشكل رسمى بعد اجازة اللائحة طبعا اتوقع ان تظهر حواءات المنتدى بالجديد والمفيد لنطور معا صينية حواء السودانية او على اقل تقدير نعكسها عبر الاسفير ونستعرض قدراتنا المطبخية من خلال المنتدى ومن هنا اوجه صوت نداء لكل حواء ولكل آدم لديه درايه بامر المطبخ ان يشكل حضورا يوميا فى مطبخنا العامر طيلة ايام الشهر الكريم ويلا انتظروا وترقبوا جديد حواء فى رمضان
تخريمة يا ادمنات اين حواءات المنتدى ياريت تتفقدوهم وتلكزوهم

وفي انتظار ما سيسفر عنه هذا البوست الجميل

شكرا لك خالد وانت تحرك ساكن المنتدى وترفع البوستات التى تغبرت وظهر عليها العكنبوت كدليل على هجرانها ،،،،،وطالما انك مديت راسك بى جاى يبقى اكيد علاقتك بالمطبخ ظابطة ويلا ايدك معاى خاصة وان حواء المنتدى عازفة تماما عن المشاركة وحتى التى تدخل المنتدى لا تمر من خلال هذا القسم لذلك كتر خيرك وبارك الله فيك

ام تساب كتب:: شكرا لك خالد وانت تحرك ساكن المنتدى وترفع البوستات التى تغبرت وظهر عليها العكنبوت كدليل على هجرانها ،،،،،وطالما انك مديت راسك بى جاى يبقى اكيد علاقتك بالمطبخ ظابطة ويلا ايدك معاى خاصة وان حواء المنتدى عازفة تماما عن المشاركة وحتى التى تدخل المنتدى لا تمر من خلال هذا القسم لذلك كتر خيرك وبارك الله فيك

هلا بك الاخت ام تساب .. بكل صراحة قمت بذلك ليس هنا .. حتي في بيتي .. بعد غياب المعذبة عنه .. وغسلته ونظفته ونظمته .. ثم دلفت نحو مكتبتي الصغيرة .. ( تمرتها ) ثم جئت صوب المنتدي .. ورأيت هذا البوست الجميل .. فنادتني كلماته بالتعقيب .. وخصوصاً وكما ذكرتِ انني احب المطبخ والطباخة .. ولكنني مزاجي جداً لا احب ان يكون معي احد بداخله والا لقلبت القدر علي راسه .. اوعدك بأن اكون هنا .. ابتداءً من اليوم الاول في رمضان الكريم .. واناشد عبرك طكل حواءات المصنع ان لا يبخلن علينا بروعتهن وعلمهن ودرايتهن بالوجبات والطعام الشهي .. شكراً علي التعقيب الجميل ام تساب ..

مع اني مابفهم في المطبخ كتير بالاضافة الى ان الدعوة لحواء
فقط الا ان رائحة الشواء فرضت نفسها علي وجئت مسرعا لأتفقد
طبق اليوم .... لكن يبدو ان الطبخة لم تستو بعد وبالتالي لم تخرج الى العلن... عموما اكثر مايميزني في المطبخ شيئين اولهما لي حاسة شم قوية دائما ماتقودني الى اشهى واطيب الوجبات وثانيا امتلك حاسة ذوق دقيقة استطيع تقييم الطبق على مختلف المستويات... اعتقد ان تلك المؤهلات كفيلة ياامتساب لتضمني الى فريق عمل مطبخ منال العالم السودانية.... وبانتظار اول طبق رسمي يزين هذا البوست الشيق...

شكراً استاذ عائد .. ومرحباً بكل الضيوف الكرام ... بس اعملو حسابكم البلد دي مليانة كمش ومفاريك وقزاز .. والله تضربك ام تساب دي بي مفراكتها الشايلاها دي في نهار رمضان الا تخليك تشهق ما تلحق

الطبق الاول :

طبعاً منقول
المصدر :
[ندعوك للتسجيل في المنتدى أو التعريف بنفسك لمعاينة هذا الرابط]

الملاح المفروك

[ندعوك للتسجيل في المنتدى أو التعريف بنفسك لمعاينة هذا الرابط]

يعتبر
من الأكلات الشعبية في السودان ويمكن طهي أنواعا مختلفة منه كالبامية
والملوخية والساق و الورق و الويكة (أم رقيقة) بنفس الطريقة بعد تحضير
المرقة

نصف كيلو لحم ويفضل الضأن

بصلة كبيرة

ملعقة صغيرة من الملح والفلفل

6 أكواب من الماء

طماطمتان ويمكن الاستغناء عنها

يغسل
اللحم ويقطع قطعا متوسطة ويسلق في الماء مع إضافة البصلة صحيحة أو مقطعة
ويضاف الملح والفلفل والطماطم ويترك ليغلي مع إزالة الزفر كلما ظهر على
السطح

بعد نضج اللحم ينشل ويحمر في مقلاة منفصلة أو يترك في المرق

تصفي المرقة وترفع على النار مرة أخرى حتى تغلي ويضاف إليها الخضار المطلوب

يضاف إليها السلق أو الملوخية أو الورق مع إضافة ثلاثة ملاعق شمار أخضر
مفري حتى يلين الخضر وينضج.(يضاف قليل من الكربونات أو العطرون )

يفرك بالمفراك أو الخلاط الكهربائي حتى ينعم تماما ثم يضاف قليل من الويكة الناعمة إلى السلق أو الورق لجعل القوام غليظا

في حالة استعمال البامية توضع بعد غسلها وتقطيعها إلى قطع صغيرة في المرق عند نصف نضج اللحم وتفرك حتى تحمر بذورها

تعمل قدحة من الثوم والكزبرة في الزيت أو السمن وتضاف إلى أي نوع من الملاح المفروك

في حالة استعمال الويكة يضاف ملعقتين من الويكة الجافة إلى المرق ثم تفرك

تضاف اللحمة التي نشلناها سابقا على المرق أو تقدم منفصلة بعد تحميرها كما سبق

معقولة بس يا ام تساب !!! انتي في وخالد يعلم فينا الملوخية

بيني وبينكم ياشباب ..... كل المكونات دي لووضعناها على حلة بريستو ( قطر قام)مثلا وعرضناها لنار متوازنة كسبا للزمن والجهد واختصارا للعدة المستخدمة (غسيل العدة حاااااار) ... اعتقد انو المنتج حيكون سبكة معتبرة........ ولا رأيكم شنو؟؟؟؟
انا عارف اني قاعد اخرمج في المطبخ ده والسبب هو غياب حواء وتهربها عن اداء ضريبة المطبخ..... ام تساب شوفي شغلك مع حواءات المنتدى واسباب ابتعادهن الغير مبرر عن عالم حواء

عذرا شباب بعد ما كتبت ورسلت القصة اتلخبطت والامور جاطت لو الادمنات قدروا يظبطوا المادة وينزلوها خير وبركة

امين كمال سكوتة كتب:: معقولة بس يا ام تساب !!! انتي في وخالد يعلم فينا الملوخية

ههههه امينكو دوت كوم .. كل سنة وانت بالف خير يا شين .. ليه ما ترمضن علينا .. ؟؟؟ كل سنة انت والاسرة الكريمة بالف خير

اما بخصوص الملحات يا خووووووي عاااااااااااااااااادي الزمن زمن انجاز .. خسوساً كدي لو شفتني وانا عايم في المطبخ .. اسوي في الويكة واللقمة .. وبعدينك اقوم بي قدوم المفراك الملان ملاح اضرب يدي . واضوق ملح الملاح حادق ولا شوية ولا كدي مظبوط .. وبعد شوية تسمع المدام .. خااااااااااااااااااااااااااااااااالد .. وانا اقول ليها زي ما قال بتاع الحاج متذكر .. ( ايوا جاي جاي .. يجيك مصطفي عبد الجليل ان شا الله .. شحدت ربي وماني خاتي عليك ) ههههههههههههههه عشان كدا خلينا نمرح في بوست ام تساب دا .. بي مزاااااااااااااااااااااااج

عائد السيد كتب:: بيني وبينكم ياشباب ..... كل المكونات دي لووضعناها على حلة بريستو ( قطر قام)مثلا وعرضناها لنار متوازنة كسبا للزمن والجهد واختصارا للعدة المستخدمة (غسيل العدة حاااااار) ... اعتقد انو المنتج حيكون سبكة معتبرة........ ولا رأيكم شنو؟؟؟؟
انا عارف اني قاعد اخرمج في المطبخ ده والسبب هو غياب حواء وتهربها عن اداء ضريبة المطبخ..... ام تساب شوفي شغلك مع حواءات المنتدى واسباب ابتعادهن الغير مبرر عن عالم حواء

استاذنا عائد السيد .. كل عام انت واسرتك الكريمة بالف خير ..

استاذي بدا وكأنك رجل المطبخ المثالي .. خصوصاً في تلك الاراضي التي تختلف في قساوة غربتها ان لغتها ايضاً غريبة ... فغربة الارض واللسان ) الله لا يضوقنا ليها )
استاذي قد رايتك واحساسي بحرفك دل علي امكانية شديد\ة بعلوم وفنون الطبخ .. خاصة ( الحلة المسبكة ) فيا ريت ما تبخل علينا بشئ تعرفه عنها ...

اما حواء وهروبها فيا استاذي حواء صارت معلمة في واستاذة في اشياء وفنون اخري .. ومنها : الكوفير .. الشياكة .. المسلسلات التركية والمكسيكية ... وحاجات تانية حامياني .. لذلك ( اختسر ) علي نفسك الطريق واتعلم فنون الطباخة بنفس راضية ومطمئنة .. مع تحياتي لاسرتك الكريمة ..

عوووووووووك الرجال كلهم بي جااااااي
الاخوه الاعزاء عايد السيد وخالد وامين انا لي ساعتين لافي في المنتدى ومصنقر في الديوان ومنتظركم اتاريكم كلكم دخلتو المطبخ وخليتونا برانا !!!! شكلها أم تساب( لك تحيه خاصة وكل سنة وانت طيبة ) دخلتكم المطبخ وطلعت وبرضو تقولوا آدم طامس للهوية
ومن الطرائف التي لا يمكن ان انساها كنا انا واخي خالد عزاب وادعى انه يجيد الطبخ وقال لي سئمنا اكل المطاعم فاليوم سوف اطبخ لك بطاطس تأكل اصابعك وراها,’ وساعتها سال لعابي لحلته التي يمتدحها قبل طبخها وفي النهاية قدم لي بطاطس مفروووكة .....
وبصراحة اعجبتني مداخلاتكم الجميلة وكنت أود ان انظر... ولكني خفت ان افُرك لكم الكباب
و للاسف الشديد لا اجيد شيئا في عالم المطبخ عدا البيض المسلوق والصلطة بالدكوة لو دعت الضرورة القصوى

مجرد تلويحة محبة وتجديد تواصل.... وكل سنة والجميع بخير

علاء الدين حسن بخيت كتب:: عوووووووووك الرجال كلهم بي جااااااي
الاخوه الاعزاء عايد السيد وخالد وامين انا لي ساعتين لافي في المنتدى ومصنقر في الديوان ومنتظركم اتاريكم كلكم دخلتو المطبخ وخليتونا برانا !!!! شكلها أم تساب( لك تحيه خاصة وكل سنة وانت طيبة ) دخلتكم المطبخ وطلعت وبرضو تقولوا آدم طامس للهوية
ومن الطرائف التي لا يمكن ان انساها كنا انا واخي خالد عزاب وادعى انه يجيد الطبخ وقال لي سئمنا اكل المطاعم فاليوم سوف اطبخ لك بطاطس تأكل اصابعك وراها,’ وساعتها سال لعابي لحلته التي يمتدحها قبل طبخها وفي النهاية قدم لي بطاطس مفروووكة .....
وبصراحة اعجبتني مداخلاتكم الجميلة وكنت أود ان انظر... ولكني خفت ان افُرك لكم الكباب
و للاسف الشديد لا اجيد شيئا في عالم المطبخ عدا البيض المسلوق والصلطة بالدكوة لو دعت الضرورة القصوى

مجرد تلويحة محبة وتجديد تواصل.... وكل سنة والجميع بخير

لوووووووووول .. انت الجابك بي جاي شنو ؟؟ ناس عائد ديل من قبيل بــ يتاوقوا بالرقاريق خائفين من جنس الشمارات بتاعتك دي .. يااخ خليك في ديوانك .. وبعد ما ينجض الاكل بنجيبوا ليك .. ولو احتجنا نخت بيض اوسلطة بالدكوة بنجيبها ليك في ديوانك تسويها .. بس اهدا شوية .. وجر حبل الصبر .. وقبل ما الاذان يأذن خلينا نشوف مطبخنا .. بعدين يااااخ انت ما بتعرف في المطبخ القال ليك من ديك اكانت بطاطس مفروكة ؟؟؟ ياااخ ديك حلة بطاطس مسبكة مع الللحمة المفرومة .. ولكن اكثر الناس لا يعلمون ... Evil or Very Mad

يسعد مساكم يا شباب
والله اليوم اطمأنيت تماما لكون ان البيت محروس حراسة مشددة
سعدت جدا بمروركم ومداخلتكم الشيقة وانقطاعى عن البوست لدى مشكلة تحديدا فى منتدى المصنع لا ادرى لماذا ؟؟؟؟؟؟؟؟؟؟؟؟؟حتى الان اعانى جدا فى الكتابة والتنسيق لدرجة تخلينى اقيف موقف المتفرج واكتفى بالتصفح فى اروقة المنتدى والاستمتاع بما تخطه اياديكم لذلك فأنا شاكرة ومقدرة للتواجد والمداخلات ويلا ايدكم معانا عايزين نشوف ابداع آدم السودانى فى المطبخ ويا خالد اديتك عشرة من عشرة وبعد مداخلات الاخ علاء الدين زى البغير رأى عشان كده الحقنا بى وصفة فاهمة لتثبيت الثقة وتأكيدها
لكم جميعا احترامى

يبدو ان الجميع قد اعتكف عن المطبخ هذه الايام على الرغم من ان شهر رمضان قد ارتبط كليا لدينا كسودانيين بالاكل ولطالما ان حواءات المنتدى قد عزفن تماما عن المشاركة فالمناشدة تكون لآدم والذى تفضل مشكورا بنثر ابداعه على صفحات البوست فهلا واصلت يآدم ؟؟؟؟؟؟؟؟؟؟؟؟؟؟؟؟؟؟
امتدادا للمطبخ اليكم اكلة سودانية محببة للجميع فهى اساسية فى المائدة الرمضانية وحتى المغتربين تتوسط موائدهم
المقادير :

1. 2 بصلة كبيرة 2. نصف كباية شاي زيت 3. ربع كيلو لحمة عجالي مفرومة 4. 2
كوب زبادي 5. دكوة"فول مسحون"6. 3 ملاعق ويكة ناشفة مسحونة 7. بهارات "ملح
=+ ملعقتين صلصة + فلفل أسود + ثوم "

طريقة العمل:

1- قم بتقطيع عدد 2 بصلة تقطيع صغير (ودة طبعا اصعب شي يعني تاني الباقي هين)

2- ضع نصف كباية شاي زيت في الحلة.

3- قم بتحمير البصل على ان تكون النار هادئة حتي يصبح احمر اللون ثم اطفي النار .

4- قم بسحن البصل المحمر او لو عايز التعب اكتر دقو في الفندق

5- قم بسكب ربع كيلو لحمة مفرومة واخلطها مع البصل المسحون فوق القدر حتي تنضج اللحمة قليلا

4- اخلط الاتي في خلاط : دكوة(فول مسحون ) + كبايتين زبادي + بهارات + ملح + ملعقتين صلصة

5- أضف الويكة المسكون الى المكونات ثم اتركه حتي يغلي (ما تنسو تضبطو الملح )

واهم شي ما يغلي كتير لانو بيقطع

وكدة تكونو انتهيتو من ملاح الرووب .............

العصيدة :

المقادير :

العصيدة ساهلة جدا ومكوناتها بسيطة

1. 2 كوب زبادي

2. كيلو دقيق سيقا

3. ملح وماء

الطريقة :

ضع الماء على نار هادي حتى يغلي واضف اليه الزبادي واضف الدقيق والملح مع التحريك المستمر

الا ان تنضج "واعملوا حسابكم ماتكردم "

وبعد ذلك قم بتوزيع العصيدة على قوالب من البلاستيك الا ان تبرد
واخليكم مع الصور الجمية والتى يسيل لها اللعاب
[ندعوك للتسجيل في المنتدى أو التعريف بنفسك لمعاينة هذا الرابط]
وبالهناء والشفاء

المقادير
1. بصلة كبيرة 2. نصف كباية شاي زيت 3. ربع كيلو لحمة عجالي مفرومة 4. 2
كوب زبادي 5. دكوة"فول مسحون"6. 3 ملاعق ويكة ناشفة مسحونة 7. بهارات "ملح
=+ ملعقتين صلصة + فلفل أسود + ثوم

شفتو البزار دا كيف تقول لى مطبخ سوداني دي عصيدة ولا وجبة ملوك؟
الكميات دي لو لمه فيها هندي يطلع ليك منها فطور سماية يفطر عشرات الرجال يا خالد حسن بخيت؟ اها بالمناسبة دي عيد ميلادك ما دحين الليلة!

هههههههه دحين يابهدير جنس البزار ده مابخلي ادم يطمس الهوية ؟؟
وبعدين ياامتساب اول مرة اشوف عصيدة بعملوها من الزبادي... اللهم زدنا علما ... يعني بدل مالواحد يفور الموية ويغليها يخلي الزبادي يغلي؟؟؟؟
المهم ابت نفسي الا وان اشارك بوجبة على السريع ,,,, جربوها واكيد حتاكلو صوابعكم وراها.....
المكونات والتكوين____
1/كباية شاي عدس وكباية شاي ارز ويتم سلقهما(السعة الحرارية للعدس والارز متساوية تقريبا) لذلك ينضجا معا
2/ تقطيع بصلة كبيرة وطماطماية كبيرة مع فلفلية وجزر في حلة اخرى
3/ اضافة البهارات والصلصة والشطة وشوية زيت الى الحلة ثم تعريضها لنار متوازنة مع التقليب
4/ مزج المنتجين مع بعضهما في حلة بريستو ( يفضل ذلك) ثم تركها لمدة 5 دقائق مع نار خفيفة
6/ استخراج الشوربة من المنتج النهائي ثم توزيع المتبقي على اطباق مائدة رمضان
7/ وهكذا نكون قد قدمنا طبق الكشري على الطريقة العائدية ورمضان كريم

ناصر البهدير كتب:: المقادير
1. بصلة كبيرة 2. نصف كباية شاي زيت 3. ربع كيلو لحمة عجالي مفرومة 4. 2
كوب زبادي 5. دكوة"فول مسحون"6. 3 ملاعق ويكة ناشفة مسحونة 7. بهارات "ملح
=+ ملعقتين صلصة + فلفل أسود + ثوم

شفتو البزار دا كيف تقول لى مطبخ سوداني دي عصيدة ولا وجبة ملوك؟
الكميات دي لو لمه فيها هندي يطلع ليك منها فطور سماية يفطر عشرات الرجال يا خالد حسن بخيت؟ اها بالمناسبة دي عيد ميلادك ما دحين الليلة!

بزار العدو يا يابا .. الاعاد نسوي كيفن .. امكانياتنا ما بتصل حد الشجب او الادانة .. لكننا مع ذلك تسمع لنا همهمات تنديد واستنكار ولكنه مثل ذلك الذي تمارسه معارضتنا ضد النظام .. لا قادرين يحاربوهو ولا قادرين يعارضوهو زي الناس .. زي عمك الصادق المهدي .. مع ناس الانقاذ .. والله انا بدخل السوبر ماركت وبحاسب باكثر من 300 ريال .. اها دا حال زولاً بقدر يشجب او يندد ؟؟ يازول خلينا كدا .. يا هو قدرك .. وكان جيت لي عيد الميلاد .. !!! أممممم فحدث ولا حرج .. اذن حينئذٍ اتحمل ... يعني شحاد وعايز عملة صعبة .. !!!!

اعشق اغنية العملاق وردي ( براي سويتها في نفسي .. قلبي الحبة ما واعي ..

عائد السيد كتب:: هههههههه دحين يابهدير جنس البزار ده مابخلي ادم يطمس الهوية ؟؟
وبعدين ياامتساب اول مرة اشوف عصيدة بعملوها من الزبادي... اللهم زدنا علما ... يعني بدل مالواحد يفور الموية ويغليها يخلي الزبادي يغلي؟؟؟؟
المهم ابت نفسي الا وان اشارك بوجبة على السريع ,,,, جربوها واكيد حتاكلو صوابعكم وراها.....
المكونات والتكوين____
1/كباية شاي عدس وكباية شاي ارز ويتم سلقهما(السعة الحرارية للعدس والارز متساوية تقريبا) لذلك ينضجا معا
2/ تقطيع بصلة كبيرة وطماطماية كبيرة مع فلفلية وجزر في حلة اخرى
3/ اضافة البهارات والصلصة والشطة وشوية زيت الى الحلة ثم تعريضها لنار متوازنة مع التقليب
4/ مزج المنتجين مع بعضهما في حلة بريستو ( يفضل ذلك) ثم تركها لمدة 5 دقائق مع نار خفيفة
6/ استخراج الشوربة من المنتج النهائي ثم توزيع المتبقي على اطباق مائدة رمضان
7/ وهكذا نكون قد قدمنا طبق الكشري على الطريقة العائدية ورمضان كريم

صدقني ح تطلع حلوة وحتي عودة الحبيب المنتظر .. تظل الفكرة مخمرة

لكن .. برضو مع دبرسة الغربة انصح بهذه الوجبة :

كوارع بالدمعة

كوارع مسلوقة
5 حبات طماطم حمراء متوسطة
كمية من مرق الكوارع
ملعقة كبيرة من السمن
خمسة فصوص ثوم
بصلتين كبيرتين
تسلق الكوارع نصف سلقة
يفرم البصل و يشوح في السمن أو الزيت حتى يصفر لونه ثم يضاف الثوم وعصير الطماطم وتترك لتنضج
تضاف مرقة وقطع الكوارع ويتبل الجميع ويغطى القدر وتترك لتغلى على نار هادئة حتى ينضج مع التقليب من آن لآخر
يستخلص العظم من الكوارع وترص في صحن وتصب الدمعة حولها وتقدم ساخنة

البهدير قول بسم الله الرحمن الرحيم يازول مالك الحصل عليك شنو هسى المقادير دى انا حددت انها بتكفى لى كم نفر وبعد داك عندك الخيار انك تقسمها حسب عدد الناس يعنى الكمية بتكون بعدد الناس بطل شفقة واستهدأ بالله وياهو حال آدم دايما شفقان ................
عائد اخوى معقول ما سمعت بى عصيدة الزبادى !!!!!!!!!!!!!!!!عاد اما ما اتلومت دى اسأل منها البهدير بيجيب ليك قرارها واذكر مرة فى رمضان الفات عملتها ليه وابى ياكلها قال داير عصيدة العيش قلت ليه عليك الله عاين ليها نظيفة وسمحة كيفن رد قال اخير لينا العصيدة الوسخانة المغبشة نقول شنو عاد قدر ما دايرين نمرقه لى فوق يغطس تانى لى تحت ،،،،،،،،،،،،،،،
خالد اخوى كدى انت والبهدير ختو الرحمن فى قلبكم وعارف حاجات ال300 ريال دى هنا فى السودان مؤؤنة اقل من اسبوع يعنى كم كيلو لحمة ضان خبرها بيتم
لكن كدى نجرب الوصفات العجيبة دى وبعدين اقول ليكم رأى وان كان وجبة عائد دى شكلها هندية من رزها وعدسها
يلا اتحفونا ورونا جديدكم فى المطبخ بس اول شى اترحمنوا

» حبيباتي بنات حواء
» طقوس حواء السودانية
» بعد اذن من حواء المنتدي
» هام جدا ،،،،،،،،،،،الى حواء مع اقتراب العيد
» تسلم ايدك حواء