سيف الدين دكين .. حبابك حبابك

نحن محظوظين أكيد ..سيف وحق الدين كمان وكمان تاني دكين البطل ... يا زول بعد دا ريحتنا شديد لقينا للمنتدى راجل حمش وفارس وصنديد وفحل وكلس .. تب المنتدى بقى محروس والبلد كلها كمان ..
تشكر العزيز سيف الدين دكين على التسجيل بس حقو تعرفنا اكثر وتقرب المسافة لانو في ناس ح يقولو الزول دا اخو ناس ماجد مكين ومحمد مكين ومعتز مكين وتختلط الاشياء عليهم .. ونبقى نحن مشربكين بين الدال والميم وتضيع بلد با كملها سيده سيف الدين دكين ...
حبابك يا سيف ابقى داخل على المنتدى وانت بين اهلك ...

نقطة : 40098 تاريخ التسجيل : 01/01/1970

الف مرحب وتاني مرحب بالاخ سيف نورت دارك
جهز قلمك وابقي داخل

انه الاخ الباشمهندس الميكانيكي بسكر حلفا/ سيف الدين آدم بخيت
مليون ترحاب بقدومك أيها الفارس والعريس المنتظر .. ولن ننسى تلك التهنئة من اسرة المنتدى قبل ايام بمناسبة الخطوبة ويافرحتنا بتسجيلك مع اهلك وعشيرتك في منتدى المصنع ... جنبات وحيشان وأزقة المنتدى في انتظار لمساتك
وجدعاتك ومداعاباتك لاسيما وعرف عنك التميز والخبرة عبر المنتديات مثل كووورة سودانية وغيرها ... وعقبال نفرح قريبا بتسجيل بقية العقد الفريد بميز المهندسين امثال هيثم عبدالرحيم ومجتبى التبوي وخالد عثمان وغيرهم...

اطنان من التحايا الحارة الى كل من ساهم فى انشاء هذا المنتدى الراقى .. ومثلها الى الاخ المدير العام ناصر البهدير والى الاخ الباشمهندس عائد السيد وكل الاخوة فى الاشراف والاخوة الاعضاء .. حقيقة اننى سعيد جدا بالانضمام الى هذه الكوكبة النيرة التى انشأت هذا المنتدى وجعلته يضاهى اكبر المنتديات على الشبكة العنكبوتية .. متمنياً من المولى عز وجل ان نرى هذا المنتدى فى مقدمة جميع المنتديات فى القريب العاجل ...
وكما قلت يا اخ ناصر لابد من ان تعرفوا من هو سيف الدين دكين حتى اكون معروفاً للجميع ولا يحدث لبس او خلط .. وكما ذكر الاخ عائد السيد اننى : سيف الدين ادم بخيت دكين ..اعمل مهندس ميكانيكى بقسم الانتاج بسكر حلفا منذ 2006 .. واسكن فى ميز المهندسين وان شاء الله ستعرفوا عنى واعرف عنكم الكثير فى مقبل الايام ...

مرحب مرحب بيك والله يا هندسة - شرفت الدار ,, منتظرين باقي العرفة وقاااعدييييين وراجييين

الاخوة : ناصر .. وليد .. عائد .. امين
مشكورين كثيراً على الترحيب الحار متمنياً من العلى القدير ان اكون عند حسن الظن ..

سيف الدين ..

ازيك يا وريف .. بالطبع انارت كل اقسام المنتدي وتلألأت حروفه بمقدمك الجميل ..
وبالطبع كنت اضافة حقيقة ورقم قياسي .. يهنأ به ويستفيد منه كل الاسفيريين علي مر العصور

مرحي لنا بك وانت سيد عوالم السايبر كما ذكر ذلك استاذنا عائد السيد ..

بكل تاكيد راجين منك الكتير والكتير ... وادخل وما تبقي رقراق ...

ومعليش جينا متاخرين ..

الحمد لله طلعنا وجينا لقينا الديوان فيه رُجال

اهلا وسهلا يا باشمهندس سيف الدين منور الديار وحبابك عشرة ونحن نسعد بإنضمام من هم مثلك في منتديات المصنع
ويلا اتحفنا بما لديك من إبداع وخبرات لكي نستفيد منكم يا أهلنا الطيبين

موضوع: حبابك سيف السبت 15 أكتوبر 2011, 4:56 pm

خالص التهاني اولا وثانية وثالثة وليس اخيرا بمناسبة خطوبتك من اعرق الاسر بالمدينة وفي دي انا وانت سوا عيالنا من الناحيتين انتاج السكر ودي بتعرفه لى قدام ...
يا سيف مرحب بيك وانت قاعد في ميز المهندسين دا اعرق ميز بالمصنع وخرج فطالحة وغير كدي قسم الانتاج دا خيرو علينا كبير او عموما المهندسين بالمصنع .. اول خلوة في حى الموظفين كان وراءها فطحالة الهندسة الباشمهندس العاقب سليمان طه (مدير امان غاز) واحمد عباس (والى سنار) وعبد الواحد المصري لا ادري اين هو الان وغيرهم من الذين كانوا وساهموا بقوة في بناء اول مسجد باحياء الموظفين وكما لا ننسى فضل المفتش الزراعي العارف بالله ابونا المرحوم الحافظ لكتاب الله العم عبد القادر مختار ابو قصيصة .. وهذا المسجد الان كائن بحى خمسين بيت كذكرى عطرة وصدقة جارية لهؤلاء الناس ... تعرف يا سيف دكين حفظت جزء كامل من القران وغيري حفظ اكتر من كدي والله غالب المصنع عمادو المهندسين والعمال وكل الناس البسيطين والمهندس كان هو معلم الخلوة وشيخه شفت كيف نحن كنا متطورين شديد اتعلمنا نفك خط قراية القران الكريم على يد المهندسين .. ان شاء الله للان المهندسين ماسكين المسجد امامة صلاة الجمعة والامام الراتب والخلوة والدروس ... اجزم بان المهندسين بقيادة مولانا العاقب اسسوا بطريقة جيدة ومهدوا لتربية جيل جديد بالمنطقة .. وبالمناسبة اول امام للجامع كان الباشمهندس العاقب سليمان طه ..الرجل الحافظ لكتاب الله والمجيد لتلاوته بصوت عذب ... وابقى عشرة على البلد ...
وبعد دا خلاص عرفناك لانك مننا وذاتنا وحاضرنا ومستقبلنا وماضينا ... بس طلب بسيط شوف التبوى (راعي البقر) والبقية من شباب الميز خليهن يصحو شوية من تلفزيون الصفرة ولا بقى اي واحد عامل ليهم تلفزيون في غرفتو فالمهم المنتدى في انتظاركم جميعا ابناء الميز والهندسة عموما!!

» عمر بدرالدين ..حبابك
» نجم الدين دياب صالح .. حبابك
» قمر الدين التوم ادم .. حبابك يا وريف
» محمد سيف الدين التوم ... حبابك
» فخر الدين محمد محمد عثمان يعقوب .. حبابك