الحوش السوداني

يــــــاسلام ياام تساب خلاص يـــاناس حلفا معزومين معانا شااي مغربيه وفي حوشي المرشوش ده...ولقيمات ام تساب البتشهي دي...تحياتي لكي

حاجة فى غاية الروعة
ممكن أى زول يعتبر الحوش فى بلدو
على طول إمتداد الوطن الفضّل
غايتو أنا زكرنى كسلا-وطوكر
شكراً زووووكة على اللوحة الرائعة
روعة بلادنا....
ولكِ كل الود

والله مااعارفه اقول ليكم شنو...وعاجزه عن الشكر ياااعائد وام تساب...وعوض وعبدالرحمن وخالد..وانتو رواد الراكوبة الكرام برحب بيكم في راكوبتنا الفي حوشي ام همبريبا بااااااااااااااارد
وبنابرنا جاهزة.. وقهوتنا جاهزة.. وواطاتنا مرشوشة
.وموية زيرنا باردة .. وشاهينا مشدود
منتظراكم من تاني ودعوتي لكل ناس حلفا وناس الجنيد

والله الليله حوشنا نور بجيتك لينا ياااخ ناصر مشكور

حبابك حاتم والله البوست نور بمشاركتك.....وريحة البن ، لما يفوح في قلايه
الديوان بعيد لي الضيوف الجايه..
نحنا الكرم والله عندنا غايه...

]

حاتم حاج حامد كتب:

ود باب السنط و الدكة و النفاج
و الحوش الوسيع للساكنين أفواج
و اللمة التي ربت جنا المحتاج
و النار الدغش و الريكة جمب الصاج
الشاي باللبن برادو لابس تاج
صينيتو الدهب ترقش كبابي زجاج
و السكسك المنضوم حول الجبينة نجوم
و الفنجرية تقوم تقهوج الحجاج

يا سلااااااااااااااااااااااااام على ابداعك بالله شوفوا معاى الابداع والبلاغة فى وصف الشاى اب لبن (صاحبتكم مغرمة شاى لبن بى صورة مباااااااااااااالغة )
اقتراحك جميل حاتم وانا اثنى عليه واؤيد فكرته بشده