يا سلااااااااااااااام الحلنقى يرثى رفيق دربه قيثارة الفن السودانى

[quote="ام تساب"][right][color=red]وإنت ياوردى المشاعر يالبقيت للموجه مرسى ..
كيف يقولوا عليك مفارق وإنت عايش فينا لسه
ياأعزالناس حليلك وإنت حاضن العود تغنى
وقلبى سارح فى الغناوى الطالعة منك وشايلة منى
عندك إنت الفن رسالة تزرع الأيام تمنى
... ياحبيب كل الغلابة غبت وين الليلة عنى
غبت ياالطير المهاجر وإنت لابس الشوق حراير
غبت ماشفناك بتشرب من عسل إحساسنا زاير
وإنت لودارت عليكا ياوليف عمرى الدواير
زهرة المقرن بتلبس من حروف اسمك ضفاير
ياسمح يازين حليلك فى السمح بعد السماحه
العصافير ليك تهاجر وبيك تعود أبيض جناحه
الجراح الفى قلوبنا بالنغم دوايت جراحه
ومنك اتعلمنا نغزل من دموعنا النازلة واحه
نحن ما بنمسك دموعنا لما نسمع لوبهمسه
أما نورالعين غرامنا مالو لو أهدتنا لمسه
وإنت ياوردى المشاعر ياالبقيت للموجه مرسى
كيف يقولوا عليك مفارق وإنت عايش فينا لسه
قلت أرحل وجيت رحلت ومارحل أبدآ مكانك
السحابة الفوق بتسقى وردة الأحزان عشانك
اوعى تمشى تقول مفارق إنت أسطورة زمانك
إنت ليك أنغام بتزرع فى القلوب أزهار حنانك
[color=blue]
كلام يرد الروح الله عليك يا الحنقى

لو أن كل الشعب السوداني
يملك مثل قريحة هذا الحلنقي
لكتب يرثي ذلك البعانخي الجميل ..

شكرى أم تساب ..
للحلنقي التحية
ولك مثلها ..

لماذا هذا الهيجان لجرحنا الجديد اختى الرائعه ام تساب فوردى يكفيه انه وردى نغما زنجى كرما عربى
وهيبة بجا وجسارة نوبه فوردى هو محنة وطنى التى صاغها الرائع الانسان حلنقى وهكذا هم كل الذين ساهموا فى بناء تجربة وردى المتفرده وكم كانت جميله افادات زوجة الراحل الجميل الاخر اسماعيل حسن فى الراحل الباقى فينا وردى له الرحمه