عامر الجابري .. حبابك حبابك

عذرا شغلتنا عنك اشياء الدنيا ولم ندرك نهار حضورك السعيد بطراوة اهل المصنع ... يا سر تجار المصنع ..
الاخ الجميل عامر الجابري ..
اعتقد ان الحديث عنك سيتوقف وكفى فانت في مدارس الحروف ناظر مدرسة تعلمت وتربيت وما زال بيتكم مدرسة للحروف بينكم ينهض على الف بزة .. انور الجابري الفنان والشاعر والملحن المعي المصنع في الزمن الجميل وايضا بينكم عثمان على .. فتى الجابرية والبحر الاحمر نضديد الحروف وانضرها شاعر بقمة البلد وكم تغنى له المغنين في ليالي البلد العامرة بالمودة ...
وعامر للذين لايعرفونه اول ولد قابلته في ابتدائية (أ) في صباحات جميلة تعرفت عليه وانا طالب بالصف الاول وهو في الصف الخامس ولم اع ماذا تعني المدرسة وهؤلاء الكبار الذي يفوقننا مسافة في العمر وكم كان البون شاسع ولكن كان قيد انملة بني وبين عامر الذي كنت احسب انني اعرفه منذ صغري .. كنت التقيه في حوش المدرسة كثيرا ونتحادث كثيرا ولكن لا ادري ماذا كنت اقول له ويقول لي رغم انه عرف بالصمت الكثير وهذا شأن درجت عليه فيما بعد حتى انقطعت صلتي به الا في حدود ابناء المصنع وتفرقت بنا السبل ولكن اعرفه ويعرفني وبيننا المودة حتى بز نجمه في مجال كرة القدم وكنت التقيه لماما في عبورنا اركان المصنع .. حتى وجدت السر هتش يؤسس دكانا انيقا يعيد للسر القه القديم بسوق حلفا وربنا يزيد ويبارك ليك في عملك ورزقك يا عامر والبينا عامرة شديد ..
وشكرا جزيلا لحضورك الانيق في المنتديات ودمت بخير وعافية بين اهلك وعشيرتك ..
لكن في حاجة واحد ..
قصة صغيرة .. نفسي اعرف اللصقات اللقيته واقعه وكانت جديدة وقمت شلتها مني يا عامر .. تتذكر الكلام دا كان سنة كم ياعامر ..
اكيد نسيت الموقف دا ..
على كل حال بس عاوز اعرف وديت اللصقات وين مع انك ما كان عندك جرح .. غايتو يباقلي عجبنك في شكلن ..
ابق مارق وجاوبنا وسلم على الناس بس تأكد الزبائن بحرسوك وما بفوتو دكانك وقت تجي تسلم علينا ...
وان فاتو دكانك حقك علينا وح ندفع ليك من ميزانية المنتديات ...
قصرنا معاك يا جميل

مرحبا بالاخ الغالي إبن المصنع البار وشيخ التجار عامر الجابري
حباااااااابك 1000 أيها الرجل العصامي ونوَرت المنتدى .... فقط ننتظر منك أن تجتر قطار الذكريات وتتحفنا بخبايا وأسرار الزمن الجميل من الحلة والري والسوق ,,,,, كما نعشم في تشريف اخواننا
الكرام من بني الجابري أنور/عادل/عاطف/هيثم/ وعبدالسلام
مع خـــــــــــــــــــــــــــــالص حبنا

حبابك ألف ياعامر ياشفيف...
أيوه كده... ليك معزة وإحتفاء خاص...
نورت المنتدى بطلتك البهية...
ألف مراحب يازول ياجميل..
حاول إذكر اللصق البهدير زول ماينسى
وحايزكرك حاجات كتيرة ..بس خليك مواصل
وماتنقطع.. الفراغ كتير والسوق اليومين ديل
يعنى .. نايم حبة ..

الاخ الجميل الرائع .. الحبيب .. القريب .. عامر الجابري بذاته ؟؟
وايم الله انها حلاوة اللقاء .. ونقاوة الصدفة .. وثمرة هذا المنتدي
ان يأتي الينا ممن لا نتوقع حضوره ليس من اجل اننا سئمنا الانتظار ولكن لإن اللقاء بأناس كبراء وووجهاء قومهم يصعب علينا ان نراهم او نلتقي بهم .. ولكن نقاء السريرة وحب البعض للبعض يجعل منا كأننا لم نخلق إلا من طينة واحدة .. ابناء المصنع الاوفياء .. نعم لقد خلقنا من طين الوفاء .. كيف لا وها نحن نري قامة فارعة كعامر الجابري بيننا .. يريد ان يتلقي بنا وبأحبابه واصدقائه واهله وعشيرته من ابناء المصنع الذين فرقته عنهم الظروف ..

ياااااا آه .. انها رمية بشريات اخري رماكم بها منتدي المصنع .. ودرة ثمينة اهاداها لكم هذا المنتدي .. فيا الف ترليون مرحبا بابن المصنع وسيد شبابه .. عامر الجابري ... ونقول لك البيت بيتك ولو ما كان كدا كنا رحبنا بيك اكتر واكرمناك اكتر ... لكن لا يكرم المرء في داره ..

مرحي والف مرحي وياااا مرحي لنا بك يا عامر الجابري ..

بحمد الله كل يوم يزدان المكان بالنخب من أبناء المصنع الأوفياء والكرام
وكم هو جميل أن تدخل المنتدى وتجد أسماء لامعة لها مدلولها ومعناها
فبشرانا بهذا الكنز الثمين والصديق الأصيل اخي عامر الجابري
فالحق يقال عندما وجدت أسمك يتلألأ في منتدى الترحيب فرحت جداً وتبسمت وتذكرت ما قاله الإخوة عائد السيد وخالد حسن عن الابتسامة وصعوبتها في هذا الزمن ولكن بكل تأكيد من هم بمثل قامتك أخي عامر يرسمون الابتسامة والفرحة في وجه كل من عرفهم ولمن لا يعرف عامر الجابري فهو رجل تحبه للوهلة الأولى وإذا احتجت أليه وجدته بالقرب منك وإذا اشتكيت أليه خفف همك ... فشهادتي فيك مجروحة أيها الغالي
بس نقول ليك جُــــر بنبرك واتحكر في النص وقدر ما تقدر أعصر لا جوه ونتمنى أن تتحفنا بحكاويك الجميلة التى كانت تجبرنا بالتجول معك في شارع الردمية وبين المدارس الابتدائية وأحياناً بالسكة حديد .... وأبقى داخل وزي ما قال ناصر بنعوضك عن الساعات التي سوف تقضيها بصحبتنا يا جميل

» انور الجابري.. وصل
» مدارس غنائية 1/مدرسة الجابري
» حمزة سعيد عبد الواحد .. حبابك حبابك
» الابقار عند البني عامر
» جنابو الرضي ... حبابك حبابك