تعالو نطلع عنقريبنا في ضل الضحى , ونشرب الجبنه الحبشيه الكاربــــه , ونطلق بخور التيمـان المعطر ونتونس ونسه ترد الروح ونرسم البسمه في وجوهنا ونقتلع أنفسنا من زحمه الشغل و مشاكــــل الاولاد وأنا عايزه أبدأ ونستي بي كلام حبوبااااات ,, الناس الحنان العفويين , ونحلق معا في مدارهم الشفيف ..
يا جماعه الحبوبات عندهم بعض الاعتقادات وستين يميـــن تحلف ليك الحبوبه أنو الحاجـه دي صادقه وتحكي ليك حكاوي كيف حصلت معاها زماااااان وأي معتقد هي عنده معاهو قصه مثلا::
* أذا رفت العين اليمين من أعلى تقول ليك جايني خبر سار ,, وأذا رفت العين الشمال تقوليك اللهم أجعله خيــر لانو دا دليل على أنها حتسمع خبر سئ , وأذا رفت العين الشمال لي أسفل دا معناهو أنها حتبكي وتفضــل طول اليوم الحبوبه مدبرسه و متوقعه الخبــر .. .. ..
* أذا يدها أكلتها دي الفرحـــــه الكبيـــره لانها جاياها قروووووووش . . .
* وأذا رجلها أكلتا دا معناهو جاييها مشوار من ما في وتجهز توبـــا وتسوي ملاحا
* أذا طلعت شبشبا والشبشبين جو فووق بعض تستف شنطتا لانو دا السفر قرب لــي وييييين ما معروووف
* أذا سوطي حله الملاح بي السكين دا شكله جاهزه بين المره وراجلا ,, عشان كده الحبوبه أول ما تشوفك عملتي العمله دي تقوليك سجمي مالك دايره تخربي بيتك
* المره البمووت راجلا بعد الاربعين بيودوها المقابر عشان تزور وهي راجعه كل الناس تضاره منها والشارع فاضي من الماره ,, عارفين لي ؟! عشان اول زول بقابلها وهي راجعه حيموت
أها يا جماعه العندو شئ جديد أقعد معانا في الضـــــــــــل بي مهله ويحكي قدر ما الله اداه
