يحلها الشربكا

بحب حبي البحب حبك
عشان حبك اساس حبي الحبى فدربك
!!!!!!!!!!!!!!!
حبيت حبي البحب حبك
حبيبات المحبة الحابية في حبري البحابيلك
حيال حلبة حمى الحبان بحابيلك
حبالك في حبال حبي الحلب دمي وحباك حلبو
ببحبت في حباب عينيك ترحب بي
بحل بي حيلي في رحابو
حبابو حباب حبيب حبي البحب الحابي في حبالو
!!!!!!!!!!!!!
حبك حبك حيل سبب المحبة الحابكة في قلبي وقلب
قالب الحروف الساحبة انفاس اللحون السابحبة روحي
!!!!!!!!!!!!!
نحيبي حبيب يبيح مقلي التصب في جب محبة حبك
الطاردة كل محب سوايا يجيك في جبك
تجب دمعي البكب في جب محبة حبك الجابية لي قلبي البجي فجبك
!!!!!!!!!!
كبح حبك جماح حبي الجمح كاتح
وقيد حبي بي حبل المحبة الحايية في حبالك
مكتف حلو في محلك
محلحل ربطو في حلك
يحل حبك علي حبي النصب حيلو
اليحييك بي تحيات المحب الحبو في حبك
بحب حبي البحب حبك
عشان حبك اساس حبي الحبى فدربك

ياحبيبى الصيدلانى

يا مركب فى كيانى

انت لونك برتكانى

وحنبكانك حنبكانى

ياوتر مشدود فى قلبى

ويا كاسيت

مليان اغانى

قالو لى عينيك قلت

الله واحد مالو تانى

قالو لى خديك قلت

آآآآآآآآآآآآآه

قالوها تانى

عدى يارمضان عدى

ويلا ياكولرنا ابردى

لاتحرى فتطردى

اصلو عصفور صيدلانى

حلاتو زى سكر كنانى

واصلو ماضاقك لسانى

اصلو كيف حا تشوفنى تانى

مادام فلان الفلتكانى

زى حدى من عينى ساقك

وانت ساقك برطمانى

****

ياخ تعال متبقى بايخ

نحن ماقررنا نعمل اجزخانة

انت مالك ان شاء الله نسرق

ان شاء الله ننهب حتى من باقى الاعانة

نحن لازم نعمل اجزخانة

تبقى لناسنا التعابى

ناس توتب ناس جعانه

تبقى ضلالة ومهبه

تبقى فكة ريق وشربة

وبعرقنا وبالمحبة

بس نرصها حبه حبه

قحه حبة وريده حبه

سلفا حبه وريده حبه

وفى كريتات المحبه

بحروف مصبوبه صبه

ندعو ليك كل الأحبه

نسوى هيصه نسوى ربه

يغنى فيها حسن عطية

والأدارة المركزية

نورها يفضل ديمه قاطع

وانت جنبى تضوى لي



حلمنتيش

مرور بنكهة الابداع يا اخ عبد الرحمن
يقول شاعر البطانة احمد الحلال


كنت كطائر اوشك عليا ركاكي
في شبكي ان شبك ودرك بمن افكاكي
من كتر ارتباك الفكر والاركاكي
كمدا مته مكتوفا كبد بمكاكي

قال الحاردلو

ظهرن فى ها الايام جروحها جداد

بتكدر وانوح والنوم على ماعاد

من فرق ام دغستا خلقة مى مرواد

معشوق ليلى اخير مالاى ضاق له رقاد

تحياتي يا راقي على هذه التحق

واسمع كلام الصادق ود آمنة

كنت كاتم كلامي ليك بحكاهو
كاوي كبادي كي كامل كمان بهواهو
كيفن كان أكفّي الكف أنا الكفّاهو
كوكاب كان كتل كاتلني بي رؤياهو

الصادق برضو

الليل تلته راح والمؤذن صاح

ياود عينى ماتنوم ساعتين ترتاح

كلما يجيك من صقط الجنوب لفاح

تذكر لنا الدرعة الخلقها سماح

ود موسى من أبو سن مسادير قالن
فتّقن الحشى رقصن عليهن مالن
في الروح زفرتن غلبن مواجيع طالن
أقرى واسمعن كيفن همومن جالن
\\\\\\\\\\\\
(أبو سن)
الليل بوبا يا حويرى والمسافات طالــن
والعين جافت النوم والهموم اتوالــن
والقلــب عــلبن نيرانــو ما بتــعالــن
وجروحنا اتعورن نامن دمومهن سالن