فن الطمبور (الدليب)

غناء: الراحل المقيم يس عبد العظيم
كلمات: ابراهيم بن عوف

كيفن أصـــبر قليـــبى ... وكيفـــــــــن أعمــل حسابى
ما دام عشمى فى نظــــــرة ... والعندو النظرة مابى
بجرو غنايا أحكى ليكم ... تعالو أسمعـوا يا صحابى
حكــــاية الشافعى البريدا.. وريدا شقــــايا وعذابى
أحن لها حن القمـــــارى .. تقوقيبـــــا أوتار ربابى
واهوى الهوى فى هواها .. وهواها قرايتى وكتابى
منو القال ليكـــــم عقلتَّ ... وحاتكــــــــم جنيت دابى
بقيت لم...ان ليها أفارق ... أفارق عقـــــــلى وصوابى
أضيق لمتين ليها أرجع ... أخاف مايطول بى غيابى
أعاين زين فيها وأشبع .. وأزيد إعجاب على إعجابى
أشرِّق وين ما أغــــــرِّب .. وأشيـــل همى وإكتئابى
محل ما أمشى ألاقــــى طيفاً.. مشتت فكرى وحجابى
تطير روحى بعيد تغــــــازل .. خدودك زهر الروابى
تتعلق بين عيونا ... ورموشـــــــــــا البى فوقا كابى
قليبى يفارق ضــــــــلوعى.. يلاهى عليها ويشابى
بعيد مابيقــــــــــــدر يقاوم ... بريق البسمة السحابى
صديرن لما يتفـــــرَّ.. تبــــــق نار الله فى أعصابى
وقديلتن كيتن على .. وانشاف ريقى وخــــم ترابى
حنينى ومرات بتقسى .. تقول فى نفســــــها اتغابى
إتغابى العرفة فيهو.. وازرف دمعــــى ووا خرابى
صحيح أصبحت مملوكا .. أســوِّى أورادى وأزنابى
متل ما ملكت فؤادى .. أنا ملك شيطــــــــان الكتابى
أخاف ما بقــــــدر أعاتب .. أقول تزعــل من عتابى
أموت أحسن من هى تزعل .. أو تزرف دمعة كابى
عشانا أنا كم ضُقْتَّ مُـــــــرَّة .. عشانا مهمِّل عقابى
عرفت الله فى عـــــذابك .. إنتَّ خاف الله فى شبابى

مشكور ابو تساب التحية ليك ولكل الشوايقة رواد وعمالقة الطمبور ,حقيقة تشجينا نغمات الطمبور الحنينة وتبكينا ابداعات الشوايقة الرصينة عندما تسرد و تصور بالتفصيل الماّسى العاطفية والسياسية التي يعيشها الشعب السوداني الوفي الذي يخان عهدة من الحكومات ومن الحبيبات ,بالتاكيد سينتهي به الحال للجنون كما جن أحمد في قصيدة جن الريد عندما خانته محبوبته بهديها ليكم
كلمات الشاعر المرهف ﻋﻼﺀ ﺍﻟﺪﻳﻦ ﻋﺒﺪﺍﻟﺮﺣﻴﻢ
ﻋﺒﺪﺍﻟﺮﺣﻴﻢ ﺍﺭﻗﻰ

*****
ﺃﺣـﻤـﺪ زول ﻣـﻌـــﺮﻭﻑ ﺑـﺎﻟــﻄــﻴــﺒـﺔ ﺣـﺴـﻦ
ﺃﺧـﻼﻕ ﻭﻋﻠﻴﻬﺎ ﺇﺗﺮﺑﻪ
ﺗـﻜـﻔـﻲ ﺷـﻬــﺎﺩﺓ ﻧــﺎﺱ ﺍﻟـﺤــﻠـﺔ ﺇﻧـﻮ
ﺧـﻠـﻮﻕ ﻭﺧـﺠـﻮﻝ ﻭﻣُﺮﺑّﻪ
ﻣـﻬــﺬﺏ ﺭﻏـــﻢ ﺣــــﺪﺍﺛــﺔ ﺳــﻨـــﻮ
ﻟﺒﺲ وﺗﻬﺬﻳب ﻮ ﺃﺻﺎﻟﺔ ﻭﻫﻴﺒﺔ
ﺃﺩﻱ ﺍﻟــﻨــــﺎﺱ ﺍﻟــﺤـــﺐ ﺃﺩﻭﻫـــﻮ
ﺣـﺴــﻦ ﺍﻟــﻈـﻦ ﺑﻴﻨﺎﺗﻦ ﺷﺒﻪ
ﺧـﺸــﺖ ﻓـﺠــﺄﺓ ﺃﻣـﻴــﻤـﺔ ﺣـﻴـﺎﺗـﻮ
ﻭﺻـﺎﺭﺕ ﺑـﻴـﻨﻮ ﻭﺑﻴﻨﺎ ﻣﺤﺒﺔ
ﻗــﻠـﺒــﻮ ﺇﺧـﺘــﺎﺭﻫـﺎ ﻋﺸﺎﻥ ﻣﻌﺮﻭﻓﺔ ﺯﻭﻟﺔ
ﺣﻨﻴﻨﺔ ﻭﺭﺍﻗﻴﺔ ﻭﻃﻴﺒﺔ
ﺩﺳــﻮ ﺍﻟــﺮﻳــﺪ ﻓـﻲ ﺍﻟــﺴــﺮ ﺑـﻴـﻨﺎﺗُﻦ
ﻭﺧﻠّﻮ ﺣﺒﻴﺲ ﺩﻓﻴﻦ ﻭﻣﺨﺒﻪ
ﻭﻛـﻴــﻒ ﺗـﻨـﻀـﺎﺭﻯ ﻣـﺘـﻞ ﺃﺷـﻮﺍﻗﻦ ﻭﻟﻴﻪ
ﺯﻱ ﺭﻳﺪُﻥ ﻳﻮﻡ ﻳﺘﺨﺒﻪ
ﺑـﻌـﺪ ﺃﻳـــﺎﻡ ﻭﺻـﻠـﺘــﻮ ﺭﺳـــﺎﻟـﺔ ﺟــﻮﺍﺏ
ﻣـﻠـﻴـﺎﻥ ﺗﻘﻴﻞ ﻭﻣﻌﺒﻪ
ﻗـﺒـﺎﻝ ﻣـﺎ ﻳـﻔـﺘـﺤـﻮ ﻋﺮﻑ ﺍﻟﺮﺍﺳﻞ ﺑﺎﻳﻨﺔ
ﻭﻇﺎﻫﺮﺓ ﺭﺳﺎﺋﻞ ﻭﻫﺒﺔ
ﺃﺧـﻮﻫـﻮ ﺍﻟـﻠـﻴـﻬـﻮ ﺯﻣـﻦ ﻣـﺘـﻐـﺮﺏ ﺗﺴﻌﺔ
ﺳﻨﻴﻦ ﻗﻀﺎﻫﻦ ﻏﺮﺑﻪ
ﻣـﺮﺳـﻞ ﻟـﻴـﻬــﻮ ﺗـﺬﺍﻛــﺮ ﻭﻓـﻴـﺰﺍ ﺩﺍﻳـﺮﻭ
ﻳﺠﻴﻬﻮ ﻫﻨﺎﻙ ﻓﻲ ﻃﻴﺒﻪ
ﻃــﺎﺭ ﻓـﻲ ﺍﻷﻭﻝ ﺃﺣـﻤـﺪ ﻓـــﺮﺣــﻪ
ﻛـﻠــﻢ ﻛـﻞ ﺍﻟﻨﺎﺱ ﻭﺍﻟﺼﺤﺒﻪ
ﻟــﻤـﺎ ﺇﺗــﺬﻛــﺮ ﺃﻣـﻴــﻤـﺔ ﺣـﺒـﻴـﺒـﺘـﻮ
ﻓﺠــﺄﺓ ﺇﻧﺘﺎﺑﻮ ﺷﻌﻮﺭ ﺑﺎﻟﺨﻴﺒﻪ
ﻟـﻜـﻦ ﻗــﺮﺭ ﺇﻧـــﻮ ﻳــﺴـــﺎﻓــﺮ ﺳـــﺮﻋـﺔ
ﻳــﻌـــﻮﺩ ﻭﻳﺘﻢ ﺍﻟﺨﻄﺒﻪ
ﻷﻧــﻮ ﺍﻟـﻐــﺮﺑـﻪ ﻃــﺮﻳــﻘـﻪ ﻗـﺼـﻴﺮ ﻭﻓﻴﻬﺎ
ﻳﻬﻮﻥ ﺗﺤﻘﻴﻖ ﺍﻟﺮﻏﺒﻪ
ﺟـــﺎﺗــﻮ ﺍﻣـﻴـﻤـﺔ ﺣـﺰﻳـﻨـﺔ ﺗـﻮﺍﺩﻋـﻮ
ﺟـﺎﺗـﻮ ﺗﺠﻔـﻒ ﺩﻣﻌﻮ ﺍﻟﻜﺒﻪ
ﺟـــﺎﺗــﻮ ﺗـﻮﺻـﻲ ﻋـﺸﺎﻥ ﻣﺎ ﻳﻘﻮﻯ ﻻ
ﻳﻨﺴﺎﻫﺎ ﻫﻨﺎﻙ ﻓﻲ ﺍﻟﻐﺮﺑﻪ
ﺟـــﺎﺗــﻮ ﺗـﻄـﻤـﻨـﻮ ﺇﻧـﻮ ﺣـﻴـﻔـﻀـﻞ ﺭﻳـﺪﻩ
ﺍﻟـﺨـﺎﻟــــﺪ ﻣﻬﻤﺎ ﻏﺒﻪ
ﺣــﺎﻓــﻈـﻪ ﻋــﻬــﻮﺩ ﺍﻟـﺮﻳــﺪﺓ ﺍﻟﺒﻴﻨُﻦ
ﻭﻣﻬﻤﺎ ﻛﺎﻥ ﺡ ﻳﻈﻠﻮ ﺃﺣﺒﻪ
ﺃﻫــﺪﺗــﻠـــﻮ ﺍﻟﻤﺼﺤـﻒ ﺷﺎﻥ ﻳﺮﻋﺎﻫﻮ ﻣﻦ
ﺍﻟﻌﻴﻦ ﻭﺍﻟﻬﻢ ﻭﺍﻟﻜﺮﺑﻪ
ﻟـﺒـّـﺴـﻪ ﻋـﻬــﺪ ﺍﻟـﺮﻳــﺪ ﻓـﻲ ﺟـﻴﺪﻩ ﻋﻘﺪ
ﻣﻤﻬﻮﺭ ﺑﺼﻮﺭﺓ ﺍﻟﻜﻌﺒﻪ
ﻗــﺎﻣــﻮ ﺇﺗــﻮﺍﺩﻋـــﻮ ﺯﻳــﻦ ﺇﺗــﺒــﺎﻛــﻮ ﻓﺎﺕ
ﺧﻼﻫﺎ ﻭﺣﻴﺪﺓ ﻭﺧﺒﺎ
ﺳــﺎﻓــﺮ ﺷــﺎﻝ ﻫــﻤــﻮ ﻭﺃﺣـﺰﺍﻧــﻮ
ﺑـﻌـــﺪ ﺃﻳﺎﻡ ﻓﻲ ﺍﻟﻤﻤﻠﻜﺔ ﻃﺒﺎ
ﻻﻗـﻮ ﺍﻟـﻨــﺎﺱ ﻳـﺎ ﺯﻭﻝ ﻛـﻴـﻒ ﺣﺎﻟﻚ
ﺑﺎﻷﺣﻀﺎﻥ ﻗﺎﻡ ﺳﺎﻟﻢ ﻭﻫﺒﻪ
ﻗــﺎﻟــﻮ ﻧـﺼـﺎﺡ ﻧــﺎﺱ ﺃﻣـﻲ ﻭﺃﺑــﻮﻳــﺎ
ﻣـﺸـﺘـﺎﻗﻴﻦ ﺭﺍﺟﻨﻠﻚ ﺃﻭﺑﺔ
ﻗــﺎﻟــﻮ ﺃﺣـﻤـﺪ ﺳــﺎﻓــﺮ ﻳـــﺎ ﻭﻫــﺒـــﻪ
ﻏـﻴــﺮ ﺟﻮَّﻙ ﻭﺭﻭِّﻕ ﺣﺒﻪ
ﺃﻣــﻚ ﻳــﺎﺧـﻲ ﺗـــﻼﻫــﻲ ﻋــﻠــﻴـــﻚ
ﻻﺧــﻼﻻ ﺿــﺮﻳــﺢ ﻻﻗﺒﻪ
ﺍﻟـﺴــﻮﺩﺍﻥ ﻣــﺸــﺘــﺎﻗـﻠـﻚ ﻛـﻠـﻮ ﺿـﻔﺎﻑ
ﻭﺭﻣﺎﻝ ﺳﻮﺍﻗﻲ ﻭﺗﺮﺑﻪ
ﻭﺣـﺘـﻰ ﺍﻟـﻨـﻴـﻞ ﻓـﺮﺣـﺎﻥ ﺭﺍﺟﻴﻚ ﺗﺠﻲ
ﻭﺗﻨﻬﻞ ﻣﻦ ﻣﻮﻳﺘﻮ ﺍﻟﻌﺬﺑﻪ
ﺑـﻌـﺪ ﺃﻳــﺎﻡ ﻛــﺎﻥ ﻭﻫـﺒــﻪ ﻫـﻨــﺎﻙ ﺑـﻴــﻦ
ﺃﺻﺤﺎﺑﻮ ﻭﺃﻫﻠﻮ ﻭﺃﺣﺒﻪ
ﻓﻲ ﺣـــﻀــﻦ ﺃﻣــﻮ ﺍﻟـﻄـﻮﻝ ﻣﻨـﻮ ﻓﻲ
ﺣﻴﺸﺎﻧﻮ ﺍﻟﻮﺍﺳﻌﺔ ﺍﻟﺮﺣﺒﻪ
ﻗـﺎﻟـﺘــﻠـﻮ ﺃﻣـﻮ ﺃﺧــﻮﺍﻧــﻚ ﻛـﺒـــﺮﻭ ﻭﻣـﺎ
ﻓــﻀـﻠــﻨـﺎ ﺯﻭﻝ ﻳﺘﺮﺑﻪ
ﺑـﺲ ﻓـﻀـﻠـﻲ ﺃﺷـﻮﻓـﻮ ﺟـﺪﻳـﺪﻙ
ﻭﻛـﺘـﻴـــﻦ ﻟــﺴـﻊ ﺣـﻴـﻪ ﻭﻃﻴﺒﻪ
ﺇﺧـﺘــﺎﺭﻭﻟـﻮ ﺑـﻨـﻴـﻲ ﺳـﻤـﻴـﺤـﻲ ﺗـﺸـﻊ
ﺣـﻴـﻮﻳـﻪ ﻭﺭﻭﻧـﻖ ﻭﻫﻴﺒﻪ
ﺃﺩﻳـﺒـﻪ ﻭﺭﺍﻗـﻴـﻪ ﻭﻛـﻠـﻬﺎ ﻋﻔﻪ ﻭﺑﺮﺿﻮ ﺃﻫﻞ
ﻭﻗﺮﺍﺏ ﻓﻲ ﺍﻟﺤﺴﺒﻪ
ﻳـﻮﻡ ﺍﻟـﻌـﺮﺱ ﺍﻟـﺤـﻲ ﺻـﺒـﺎﺣﻲ ﻓﺮﺡ
ﻣﻄﺒﻮﻕ ﻭﺍﻟﻨﺎﺱ ﻣﻨﻄﺮﺑﻪ
ﺷــﺎﻕ ﺍﻟـﻠـﻴـﻞ ﺻـﻮﺕ ﻛـﻢ ﺯﻏﺮﻭﺩﻩ
ﻭﺣﺲ ﻃﻨﺒﻮﺭ ﻭﺩﻟﻴﺒﻦ ﺭﺑﻪ
ﺇﻻ ﻓـﻲ ﻭﺍﺣـﺪﻩ ﺣــﺰﻳـﻨـﻪ ﻭﺑـﺎﻛـﻴـﻪ
ﺳـﺎﻳﻠﻪ ﺩﻣﻮﻋﺎ ﺩﻭﺍﻡ ﻣﻨﺴﻜﺒﻪ
ﻭﻓـﻲ ﺩﻣــﻮﻋـﺎ ﺳــﺆﺍﻝ ﺑـﻴـﺤـــﻴــﺮ ﻭﻓﻲ
ﺁﻫـﺎﺗﻪ ﺃﺳﺮﺍﺭ ﻣﺤﺘﺠﺒﻪ
ﻭﻗﺎﻟﻮ ﺍﻟﻨﺎﺱ ﺩﻱ ﺩﻣﻮﻉ ﺍﻟـﻔـﺮﺣـﻪ ﻭﻏﻴﺮﺍ
ﺷﻨﻮ ﺍﻟﺤﺎ ﻳﻜﻮﻥ ﺍﻟﺴِّﺒﻪ
ﺑـﻌـﺪ ﺃﻳــﺎﻡ ﺳــﺎﻕ ﻭﻫــﺒـﻪ ﻋـﺮﻭﺳــﻮ
ﺳـﺎﻗﺎ ﺭﺟﻊ ﻟﻲ ﺑﻠﺪ ﺍﻟﻐﺮﺑﻪ
ﺳﺎﻳﻘﻮ ﺣﻨﻴﻦ ﻟﻲ ﻛﻞ ﺃﺻﺤﺎﺑـﻮ ﻭﻟﻲ ﺃﺣﻤﺪ
ﺃﺧﻮﻫﻮ ﺃﺷﻮﺍﻕ ﻣﻠﺘﻬﺒﻪ
ﻭﺻـﻞ ﺍﻟـﺒــﺎﺏ ﻛــﻮﺭﻙ ﻳــﺎ ﺃﺣـﻤـﺪ ﻓـﺘﺢ
ﺃﺣﻤﺪ ﺑﻲ ﻟﻬﻔﻪ ﻭﺭﻏﺒﻪ
ﺷــﺎﻑ ﻗـــﺪﺍﻣــﻮ ﺍﻟــﻤـﺎ ﻣـﺘـﻮﻗـﻊ ﻫـﻢ
ﺍﻟﻜﻮﻥ ﻓﻮﻕ ﺭﺍﺳﻮ ﺇﻧﺼﺒﻪ
ﺷــﺎﻑ ﺍﻟـﺴـﻠـﺴـﻞ ﻋـﻬـﺪ ﺍﻟـﺮﻳـﺪﻩ ﻧﻔﺲ
ﺍﻟﺴﻠﺴﻞ ﻭﺻﻮﺭﺓ ﺍﻟﻜﻌﺒﻪ
ﺷــﺎﻑ ﻗــﺪﺍﻣـﻮ ﺃﻣـﻴـﻤـﻪ ﺣـﺒﻴﺒﺘﻮ ﻛﺎﻧﺖ
ﻗﺎﺳﻴﻪ ﻭﻗﺎﺿﻴﻪ ﺍﻟﻀﺮﺑﻪ
ﺷــﺎﻑ ﺃﺣـﻼﻣــﻮ ﺗـﻀـﻴــﻊ ﻗـﺪﺍﻣـﻮ ﺑـﻌـﺪ
ﻣـﺎ ﻛـﺎﻧـﺖ ﻣﻨﻮ ﻗﺮﻳﺒﻪ
ﻛــﺎﻧﺖ ﻟﺤـﻈـﻪ ﺗـﻔـﻴـﺾ ﺑـﺎﻟـﺪﻫـﺸـﻪ
ﺷـﺎﻑ ﺍﻟـﺪﻧـﻴــﺎ ﻛﺄﻧﻬﺎ ﻛﺬﺑﻪ
ﻛــﻮﺭﻙ ﺃﻣـﻴـﻤـﻪ ﺃﻣـﻴـﻤـﻪ ﻭﺻـﻨـﻘـﻊ
ﺻـﻨﻘـﻊ ﻭﺩﻧﻘﺮ ﻭﺩّﺭ ﻭﻏﺒﻰ
ﻭﺟــﻦ ﺃﺣـﻤـﺪ ﻓـﻲ ﻧـﻔـﺲ ﺍﻟـﻠـﺤـﻈـﻪ
ﺟـﻦ ﺍﻟـﺮﻳـﺪ ﻣﺎ ﺃﻇﻦ ﻳﻨﻄﺒﺎ

الى عشاق الطميور
الى كل من عبر هذا البوست
الى البرقيق
نهديكم جن الريد بلسان الشاعر علاء الدين

غناء من الزمن الجميل

خوف ورهبة
الشاعر ابراهيم ابنعوف
لابتالفي ولابتوالفي لاقادر منك اقنع
قريني مصاقر قرينك شقي الحال مابيرجع
حكايتي معاك جد غريبه اقولها والدنيا تسمع
افصل بيها القوافي وازين بها كل مقطع
اصل مرحلة التجلي شعري بيها يسطع
يلوك الناس في غناي لامن الفجر صباحو يطلع
معاكي وقيعتي الطويلي شقاوة القلب الموجع
قساوة الايام علي وكت تابا عديل وتمنع
خوفي عليك خوفي منك شتات البال الموزع
نهايتها الله يقينك نهاية القيد المسبع
اقبل شقيش اقبل خيالك قدام بيتربع
اتوه في الدنيا العريضي القي صورتك في كل مربع
اجاهد واسرق خطاي افرهد خطواتي اسرع
من تالاك لي صداري تالاكي البال مخلع
اخاف من هيبة جمالك خوفة الخايف المروع
ولو في بشر يركعولو انا اول زول ليكي بركع
ليه ما اعظم جمالك انتي عظمك الليكي ابدع
ولو يشوفك عاقل زمانو تخلي اصغر من الشفع
اريدك يانور عيوني اريد فيكي ايى واريد فيك لع
اريدك زينة احلامي اريدك وفي قربك اطمع
عشان يوم خلقوكي انتي ما اتخلق القباح لسع
داراً طالاها انتى من بابا احزانا تنجع
قالولي بترجي شافعي قت ليهم لو بترضع
قالولي صباك ضايع قت ليهم بيها برجع
وصو ساكت توصو وصيتكم مابتنفع
شوف العين شن بسوي لي جايعا قصدو يشبع

انا استاهل شكرا ليك يا طه
شعر: ‎عوض علي حامد‎
غناء: عمر النافعاب
انا استاهل هموم الدنيا يومى تمر بى فوقى
وانا استاهل عيونك ضمه ما تهتم بشوقى
انا استاهل عذابى
******************************
قبل للشمال طوالى ما اهتميتا بيا
لا بكا فى الوداع لا رجفه لا دمعات سخيه
رسل للصحاب واعيانى ما رسلت ليا
جواباتك هى وين ياروحى من قم ما شويه
*************************
مديت فى الخطاوى وفت زى ماك طارى جيه
سايقك شوق بلاد النيل تناهد دون رويه
بالك فى الجروف والخلوة والخور والبنيه
وقلبى انا وراك عطشتو هل ترى يلقى ريه
************************
فرط فيكا وانت الكنت ما بينات ايديا
كان لازم اخليك ديمه جم روحى الشقيه
من فت يا حبيبى ترانى مجهول الهويه
خلفت الجروح فى قلبى حمرا ولسه نيه
***********************
ما انقطع العشم ياروحى لسع عندى نيه
مادام الغرام فى قلبى قايد جمرة حيه
لو حن الزمن نتلاقى فى عيد الضحيه
وجايبلك معاى اشواقى حتكون هى الهديه

بينى بينك
‎شعر: عوض علي حامد‎
غناء محمد مضوي

بينى بينك لسه فاضل خطوة بس لازم اسيره
والوداع اليومو اسود ونظرة الريدة الاخيره
****************************
لسه فاضل فى عيونى دمعه من احزان اسيره
واصلى مستنيها تنزل والله ما مستنى غيره
كنت تايه فيكا كلى وغير هواك ما عندى سيره
الا هسع بقدر امشى ودون هواك نفس المسيره
*****************************
ما سنين صابر عليكا وقلت تتغير شويه
كنت خايف من عواطفك ونظرة كانت ما ليا
قلت احاوت انسى ريدك وارضى لى قلبى الاسيه
وخوفى للايام اسيبك تبقى للايام ضحيه
****************************
قلت لى قلبى المجرح يلا ودعو شان نفوتو
قلت لى عينيا ابكن وقلت لى اشواقى موتو
يلا ننسى بريق عيونو وحتى لون جدران بيوتو
يلا نرجع لى نجومنا وسهرة الليل لا تلوتو

أغنية عابره 12
الشاعر محمد أحمد الحبيب
انا بي لقاك مهتم بس كيف تلاقيني يا عابرة عبر الدم شايلاك شراييني
لو عمري يتقدم واضمن تلاقيني من بعدو مابندم لو مُت في حيني
دنيا العذاب والهم ماشيها وحداني للغيري بتبسم وفي قلبي احزاني
رغم الصبر علقم في صبري متفاني مع انو بتالم من جوه وجداني
الطيف يزيدني اشواق وفي النوم يناجيني ويرحل بلا اشفاق ساعت يصحيني
يا طيفا كان مشتاق لي مين مخليني طفل الغرام العاق ربيتو مابيني
يا عابرة دنيا الجن بي كل اعاصيرا لو سعدي ما ممكن احسن لي من غيرا
انا بي هواك مؤمن لكني في حيرة يصعب لقاك كيفن والدنيا بي خيرا
نهر الاماني سراب يا عابرة ارويني وغيم السما الصباب طول مجافيني
والليل يزيدني عذاب في جوفو طاويني كل ما الدمع ينساب من جفني يسقيني
يا عابرة حتي الان عينيكي اسراري سحرا ملكني ومان تشهدلو اشعاري
راجيك زمن عطشان ما صبت امطاري ليه في سحاب دخان يا القمرة تنضاري
كل البسيطة حسان يوم ماملن عيني غير عابرة مافي انسان يهدمني يبنيني
اه يا جمال فتان قلب موازيني لولا صفا الايمان يفتني في ديني
يا اماني لي بكره والليلي والبارح شايلك معاي ذكري كان واعي كان سارح
بس يوم تبين سفرة يا عابرة بالواضح في نيتي من فترة داير اجيك نازح
اه لو قدرت اجيك رؤياك مراد عيني واكسير حياتي وشيك من حزني يشفيني
من اشتياقي اليك يا عابرة دسيني مابين رموش عينيك شليني ختيني
انا كت شيء مجهول يا عابلرة لولاكي مع اني اول زول من بين ضحاياكي
فرشتي عمري الشاق اشعار من املاكي كانت علي الاطلاق اجمل هداياكي
مصباحك المسحور جاهرني عاميني شايل خطاي مبهور شقيش توديني
ما عارف المقدور بي الفرقة راجيني خارج نطاق النور حايم حواليني
عابرة الزمن ظلام في ظلمي متمادي بقت الحقيق احلام واحزاني شيء عادي
واصبح علي الزام كل ما صدح شادي اهديك مدي الايام الحاني وانشادي
هذه القصيدة الجميلة كتبها الاخ ود الحبيب بعد ان سمع في حلقة غنيت الطيف
يا طيفة صابحني وبالله ماسيني واوعك تغيب يا طيف فد لحظة عن عيني

جميل ود الحبيب وجميله عابره استاذى الجميل البهدير ولا تحسب بعدى عن هذا البوست تجاهل بل هى الدهشه
فاصدقك القول باننى كلما غصتا فى هذا البحر تصيح دواخلى وتدفعنى بكل جنون نحو التعمق ومن ضمن الاشياء
رائعة ود الحبيب عابره فالدهشه بدايتها العنوان والرمزيه التى يحملها
والتعبير عن اشياء هى الهم المشترك فى وطن الاحلام الذى يتقاسمه الصادقين من شعراء بلادى
فعابره هى تعبير عن الحاله الذهنيه التى تسلب من المشاعر عوامل البقاء والمتانه لتعبر نحو فضاء اللقاء وتحقيق
المسجون فى الدواخل
فهى بمعناها القريب تعبير عن حالة العشاق والهائمين بلا هدف سوى اللقاء بالحبيب
اما فى معناها البعيد فهى الخط العام للباحثين عن حرية وخلاص بلاد ادمن الصياح ومناداة العابرين من الابناء
وهكذا تظل عابره شامخه بين معناها القريب والبعيد
وانا فى انتظارك يا رائعنا البهدير حتى تاتى الينا بالمزيد مع خالص تحياتى واشواقى

ماقت فوق سواك
كلمات سيداحمد عبدالحميد..
ماقت فوق سواك يحرم علي القول
وفوق مين يا الحبيب بعدك لساني يطول
ياالفي الدنيا غيرك ماخضع لي زول
بحرالعاشقين ساحلك دوام مجهول
كم رياد سبح في الري دصبح مكتول
الخلاني اجرج رفي القوافي واقول
الطرف الكحيل وقوامك المجدول
عصفور الشدر يا الفي الفجر غريد
اصدح لا تقيف دنياك كلها عيد
انا الوارث الشقا وكل يوم عذابي يزيد
والزايد العلي الفي مشيهو مهول
نجمات الصباح كانن يواسني
بالله آوسيم يوم اسألن عني
كم سهرن معاي واتنصلن مني
وروحن للمغيب عرفن عذابي بطول
اسراب الفراش المن ورود لي ورود
يلهن ويمرحن من غير اذون ووعود
اناالمسلوب ارادة وبالغرام مورود
كلما اقول اطيب امسا وابيت معلول
يا الفي الدنيا غيرك ماخضع لي زول.....

حليلي
كلمات سيداحمد عبد الحميد

حليلي انا يا حليلي انا يا حليلي
حليلي الدمعي جاري جري
وعزابي انافي عيوني اقري
حليلي صبر كمل صبري
ومفارق باكر الحلي ياحليلي
حليل الحلي ياالاخوان
حليل قعداتنا في القيزان
خديري الشايل الرمان
اوادعك واضرب السهلي
ياحليلو زمن تلاقينا
وزمان اللقيا يازينا
ضحيكاتنا وحجاوينا
زمن باسم الدهرلينا
زمن بنجيك وبتجينا
انت يالي ريدي صر قبلي
كل زول بي زويلو يهيم
بطراك كلما مره نسيم
يغازل زهره في البرسيم
ريدي انا ليك الله عليم
متل ريدة ابوي........واهلي
ياحليل بنات فريقنا آحي
حليلو جريد نخيل الحي
طشيت منو ضارب الصي
فوق جمري المولع حي
راضي انا بالمكتوب........لي
حليلي انا حليلي انا ياحليلي

حليل الحلى يا الاخوان
ومع اننى اخاف من هذه الكلمه المخيفه الا اننى اقولها احتراما وتصفيق لهذه الروائع والتى ان فعلت شئ
فانها تزيد من حبنا لهذا الفن الفريد عزيزى البهدير
بالامس كنت اتحدث مع احد الزملاء المهتمين بفن الطمبور وكان الحديث عن انخفاض الا عمال الجديده عن مستوى الاعمال القديمه من حيث الشكل العام والمضمون و لا زلت ابحث عن هذا الانخفاض الذى لا انفيها ولكن ليس بتلك
الدرجه التى تجعلنا نطرق ابواب التحذير فالطمبور هو من الفنون الاساسيه فى هذا السودان
فمن الطبيعى ان ينال ما له من قسمه من قسمة الاحباط التى هى سمة البلد الاساسيه
فما هى وجهة نظرك فى هذه الحديث استاذى البهدير

جنا الوزين

الشاعر: حسن الدابي

مادام طار جنى الوزين
يادوب قل نوم العين
لرؤياك مشتاقين
خطفتا قلوبنا ركيت وين
آذاي ما بينفعه التحصين
ولا الفقرا البقيموا الدين
قولو ليّ يامسكين
عليك ظلم الحسن وحسين
جسمو عبير ومن ياسمين
وارضو قرير أعز الطين
مقبول هادئ طبعو رزين
في الكون ما لقيتلو وزين
أشكيك يادهر لمين
بلا الخلق البشر من طين
قلبك قاسي مابيلين
وليه الناس بيقولوا حنين
يا أخي القاه الصبر من وين
ما دام عيشتي نوح وحنين

https://www.youtube.com/watch?v=33pSpYDDdF4

https://www.youtube.com/watch?v=EL5x8TZ_3qA

نورة
الشاعر – محمد عثمان اب شعب
اداء ميرغني النجار

نورة يا شوق عمرى كلو
نورة يا لهب المشاعر
كيف تلاقينا وتفارقى
زى حلم فى لحظة عابر
الزمن من جورو أصبح
حتى للأحلام يصادر
أصلو ظلم الدنيا خلى الناس
تشوف الناس مظاهر
وا عذاب قلبى الرهيف
ربى ليك سوانى شاعر
سر عجيب والحكمة بالغة
ربنا القسم المصاير
قسمو للناس السعادة
وقلبى قسمولو الدرادر
داير أحكى وداير أشكى
داير أبكى ومانى قادر
ما لقيتك الا آهة
وآهة يا فرحى المسافر
قلبى من آلامو ينزف
ما الجرح فى قلبو غاير
حتى اتمنيت بدونك
يومى ما ألقالو باكر
لو تعرفى انا كم بريدك
كان عذابى لقيتلو آخر
والبحب تكتر عوازلو
مستحيل يلقالو عاذر

http://songs.alrakoba.net/abobaker/tambor/alnajaar/67.mp3

الله عالم يا حبيبة
الشاعر: ابراهيم ابنعوف
غناء: عبد المنعم عبد الفارس

الله عالم يا حبيبة إنتي في دنياي تمنى
بيك عاد إشراق صباحي وراح ظلام أحزاني مني
البمر أيه بي خواطرك مره لو سألوك .. عني؟
دار تقولي أيه لي عوازل .. لا تبارك لا تهني؟
قولي ليهم حبو سامي وقصدو يبني معاي جني
تاني فيها يعود ربيعنا ويحضن الأزهار يغني
أحكي عن أول لقانا وكيف معاك سارت خطاي
وعن مقاطع شعري لمن تندفع بي فيض هواي
مافي لحظة تمر بي خاطري إلاَ وأشواقك معاي
وكل أول ليه آخر إلاّ حبنا ... لا نهاية
أحكي ليهم عن صلاتنا ونحن بينا صلات حميمه
كيف روتنا وظللتنا وأصبحت في سمانا غيمه
لو تكون البينا عامري ياها جنتنا ونعيمه
مالنا مال الدنيا تاني أريتا ما فاتت جحيمه
لو يقولوا ليك خيالي في خيالي بقيتي صوره
أعذريهم ما بعرفوا إنتي نور عيني وسروره
لو يقولوا ليك بفارقك كيف تفارق القمره نوره
ولاّ عمرك يوم سمعتي بالفراش هجرت زهوره
بكره لما يجوك يسألوا كيف مع الدنيا وفراقه
قولي ليهم في بعادنا وفي قربنا نظل رفاقه
نحن ناس عاشت نفوسنا في وفا وأنبل صداقه
وحتي في الأحزان بنفتح لي دروب أفراحنا طاقه
أما أنا سألوني عنك وفي هواك أيه الرماني
لالا والله ده سر مقدس كاتمو في الأعماق وأعاني
كل كلماتي وحروفي ونظمي و أشعاري وبياني
توحي إني أنا قطعه منك وبكره راجع لي مكاني

الاغنية هنا بصوت يعقوب تاج السر
[rtl][/rtl]

شكرا الى ما لانهاية البهدير وانت تحمل المجداف وتقود المركب لتعبر بنا الى بر الامان ,,,,شكرا عوض على مجادعتك التى تأتي بين الحين والاخر
حقا انه بوست توثيقي يستحق ان يبقى عاليا مرفوعا في زمن انعدم فيه التوثيق لكل شي جميل

جنا الوزين
أغنية قديمة للراحل النعام آدم

شهـــــــــــــــرزاد
كلمات: محمد احمـد الحبـيـب
غنـاء: محمــد النصـــري
شهرزاد يا شهرزاد في كل ليل نفس المعاد
بلغتي لي الملك السعيد خبر الأميرات السعاد
وانا بين خرافات الغرام داخل دهاليز القصور
وما بين اساطير الزمن شايلاني امواج العصور
من قبل يدركك الصباح ويدرك احاجيك الفتور
بانت حقيقة كل شي توّه مراكبي الســــــــندباد
دمعاتي من بين السطور تمحى الكتبتو من الشعر
ما طال موجود في الشعور ما شرط لو زال الحبر
قصيني لي الملك الجسور ما الدنيا ما عاد فيها سر
كانت حكايتي مع الغرام زي روضة اجتاحه الجراد
وافكاري في ليلا طويل شوش عصافير الصياح
اتفرزعن في كل سبيل اسرابه في وجه الرياح
مشدوهه بين زمن الرحيل وايام لياليكي الملاح
طارن علي مد الخيال واتفرقن في كل واد
يا شهرزاد مطعون انين عاصر ايديني علي الجراح
اعرج مساورني الحنين والعرجي دايما للمراح
لليلي بين عابرة وكنين محتار ومكسور الجناح
ارحمني يا حافظ الخلوق يوم التغابن والتناد
يا عابرة بي نفس الصفات دايما خيالاتك تحوم
ماعارفو طيفك ولا ذات مخلوقة من نار السموم
والكالني في ريدك فراق الليلي في ركن الغيوم
راقد علي حزني الدفين يا عابرة يا بئس المهاد
هيهات يا الزمن العجيب تعرف متاهاتك خطاي
قدامي ايامك قضيب وصوت القطارات في قفاي
ما بينفع البكا والنحيب وماعارف الضاع من يداي
كيفن بيتفرز الوقود النار بعد تلد الرماد
لو مرة صالحني الزمن ما كت للاحزان شقيت
لكن قلب ضهر المجن وانا من عنانن ما اشتكيت
ما كست للرايحات سدىً لا كنت لي الجايات رجيت
وطنت نفسي علي الصبر وامال اشوفه بعاد بعاد

» الماساة فى اغنية الطمبور
» جماعة الدليب وارضا سلاح