*برج الكديسه :25/12 _24/1
الاسبوع ده زى الزفت معاك_ يتسرق موبايلك _ من تحب يفكر ان يديك شاكوش_لكن كضاب ما بقدر داخل فى ضفورو من كبابى الشربات السقيتن ليهو.
*برج العتود:25/1_24/2
البتجى من السما تحملا الواطا _ الحرامى يسرق هديماتك كلهن_ كن واطا وقوى.
*برج النعجه: 25/2_24/3
حسادك كتار فى نعلاتك الجديده _ مشكله فى طريقها اليك سببها الباقى الذى يحاول ان يزوغ بيهو كمسارى الحافله.
القلب :من تحب عندو فتاق فى الصره داسيهو منك _يحتاج الى تعاطفك كن حنون.
*برج الجراده :25/3_24/4
لا تحزن بنطلونك الوحيد وعاجبك يضيع عند المكوجى_
القلب :بالرغم من حرصك الشديد حبيب القلب يكتشف انك بتسف صعوط نوصيك بالتبرير انو ضرسك موجعك.
*برج الحاشى :25/4_24/5
بوليس الحركه يقطعك تلاته ايصالات مخالفات بالرغم من انو انت ما عندك عربيه كن صبور والمؤمن مبتلى
القلب:حدد بتريد منو ؟ امك والا مرتك والا فلانه ديك ؟ راجع فلم انف وثلاثه عيون.
*برج الغنمايه:25/5_24/6
لا تنوم تحت الحيطه الغربيه من بيتكم لانها ممكن تقع فى اى لحظه
القلب:حبوبة جيرانكم المخرفه تنشبك فيك وتفتكرك زوجها_ اتعامل مع الموقف بحكمه واتوكل على الله واعقد عليها
*برج الجريو:25/6_24/7
الجاتك فى مالك سامحتك _لا تصدق لا سامحتك ولا حاجه وانت مفلس كدى _فنانك المفضل ياخد علقه فى حى شعبى
*برج ام سيسى25/7_24/8
علقه من احدهم لانك بتشبه الخالق الناطق من ينافسه فى الحب بتاعو_ اقبل اعتزارو واعلم ان الدق قسمه ونصيب
*برج الضب :25/8_24/9
ريئسك فى العمل مكجنك وشاميك _تزيد كجنتو هذا الاسبوع
القلب: شكله بينك وبين من تحب سببها صرفة الخته _خليك تفتيحه
*برج التامبيرا25/9_24/10
هذا الاسبوع يتاورك الحنين مره اخرى _لا تكترث لنضم الناس امشى بالطريقه البتريحك
القلب: كن وفيا لمن تحب لانو حتنقطع اضانو اليمين فى حادث حركه _ واعلم ان الحب فى القلب وليس فى الاضنين.
*برج الدباسه 25/11_24/12
المال تلتو ولا كتلتو _لكن كتلتو تصيبك _استعوض ربك
القلب: من تحب الحمى تطلع ليهو فى راسو وينضم برا من راسو ويحكى كل البينك وبينو _شيل شيلتك _قريبن الفى الجيش داك كايسك _ نوصيك الجرى من الجيش تكتيك
