القسوه السودانيه

عوض احمد ادريس"]من الاشياء التى تقال عن الشخصيه السودانيه هى انها شخصيه طيبه وراقية فى التعامل
ولكن اذا امعنا النظر واعدنا قراءة مكونات هذه الشخصيه سنجد الكثير من المتغيرات
والتى كان سببها جملة من الاشياء والموثرات
فالسودانى اصبح سريع الانفعال عكس الاوصاف القديمه التى تصف اخلاقه بالسلبه
فى الموصلات الكل يثور فى الكل السائق ينفعل فى اتفه الاسباب مع الكمسارى والكمسارى
مع الركاب وهكذا
تاتى الى المدرسه لكى تعرف ما يحدث للابناء فتقابلك ام الصف فتعيد شد نفسياتك المترهله
وبعدها ترسلك وانت فاقد للشعور وحتى الهدف الذى من اجله اتيت الى المدير وهكذا الزرزره
مع ان زرزر بلغة اهلى الامهرنجا تعنى النقود الفكه
ولكنها عند فى السودان تعنى التفتيش الداخلى الذى لا يعرف رحماك يا امى
وتستمر المصيبه السودانيه فى التعامل وخصوصا فى المستشفيات والذين يطلق عليهم ملاك الرحمه
ولا ادرى اى رحمه يقصدون هنا الذل والتنكيس
وهكذا هو الحال فى جميع مرافق الدوله السودانيه فهى دوله اصبح انسانه فاقد للادب والتعامل الجميل
مع انو ا اصحاب المشروع الحضارى والصحوه الدينيه التى جعلت هذا المجتمع من المجتمعات الفاضله
لم يضعوا اسلوب واضح للتعامل فى دولتهم
تبسمك فى وجه اخيك صدقه
فلا ادرى اين ضاعت هذه الصدقه فى هذا المشروع الحضارى
يا ربى نبلغ ابو قنايه ولا الحاصل شنو لكم التحايا والاشواق




الحبيب عوض .. كيفنك وعساك طيب



الموضوع مهم جدآ ويحتاج للنقاش فيهو لمعرفة آراء الجميع

وفي إعتقادي قد تتفاوت الآراء حوله من ناحية توجيه الأسباب

لما آل إليه حال الشخصية السودانية من تغيرات

خلني أديك راي أنا

الحالة الإقتصادية المتردية في البلد

التي ولدت الفقر والجوع والبطالة والعنوسة والمرض

وحالة الإحباط في كل شيء يا عوض ياأخوي

غيرت في نفسيات وأخلاق وطبع وموروثات الشعب السوداني

إحباط من هذه الحكومة ومن فشلها في كل شيء

إحباط من المعارضة التي كان يمكن للشعب السوداني

أن يلجأ إليها إذا كان فيها خير له .. هذا الشعب بكل هذه

الإحباطات التي يتنفسها مع أكسجين الحياة كيف نطلب منه

أن يبتسم أويضحك

وهو يري الفساد راكب البلد من راسها ل ساسها

كفاك آ عوض

بس خلينا ننتظر يوم نغني

أصبح الصبح

وشوف البلد دي تضحك كيف

لك التحية والمحبة

فى رايى اخى عوض والمتداخلين ان السبب فى قسوة الانسان السودانى ضغط الحياة واختفاء الشخصية السودانية المتسامح الذى كان اخو الاخوان واخو البنات فى خضم هذا الغول المسمى متطلبات العيش الكريم وايضا ذوبان الطبقة الوسطى الذى كان يمثل ثلاثة ارباع الشعب السودانى ما بين طبقة الاثرياء الجدد او الفقراء فاختل ميزان النسيج الاجتماعى لينعكس ذلك على الشخصية السودانية

التفصيلة دي يا صديق مرتبطة بكتير من الاشكالات واولها الوضع الاقتصادي وهوبشكل اساس موضوعي في تعاملات افراد المجتمع بعيد عن مفهوم المصالح اذن توفر المادة بيعني توفير الحاجيات الاساسية توفرت الحاجات اذن هناك رغد في العيش اذن ليس هناك ما يدعو للتزمت والقرف اضف لي ذلك برنامج العمل اليومي بتاع الانسان سوا في القاطاع الخاص اوالعام وطبيعة العمل نفسها فالملاحظ استغلال من جهة المخدمين واصبح الانسان يعمل فوق طاقته لتوفير ملستلزمات معيشته وابناءه يعني نظام العمل حاليا في كتير من المؤسسات شبيه بالنظام الاقطاعي لكنه مغلف والتفاصيل الزكرتها دي تنعكس علي نفسية الانسان من خلال تعامله مع الناس والكلام دا لصيق جدا بنظام الدولة فالكبت والتضيق البتمارسه السلطة اي القهر الممارس من الحكومة دا بخلي الانسان يلجا لاساليب مختلفة ليشعر بكرامته والحالة دي ليس في السودان فحسب بل توجد في كل الشعوب المقهورة ودي تصرفات ونفسيات الانسان المقهور وما بيسعني الزمن لمناقشة مسالة القهر والانسان المقهور لاني ابتديت في اليومين فقط اقرا لي دكتور مصطفي حجازي (التخلف الاجتماعي ـــ سايكولجية الانسان المقهور) ودي دعوةللقادرين ان يتحصله علي هذا السفر القيم والموضوع ما في التعليم او عدمو فالليلة بتلقي دكتور عاطل يتصرف مع الكمساري بي شكل غريب جدا (سبب الباقي بس ) وفي تقديري دي سياسة اتعبها النظام باعادة صياغته للانسان بي وسائل مختلفة فادلج المناهج التربوية وضغط معيشي لا مثيل له في تاريخ الدولة السودانية عموما دا رايئ في المسالة وبيا عوض شكرا لتطرقك لموضوع كهذاء ولطالما انتبهت للمشكلة دي وانت الان في الخرطوم اوصيك تشتري الكتاب الزكرتو


شوقات كتار ياصديقي