اشهر شكلة ف المصنع كان عملا عبد كاروشا..في الخيرات وسط السوق الكبير...ضرب واحد بونية...فسقط ارضا واغمي عليه..وبعدين طلعت دعاية..انو عبدو عندو جريدة واحدة..وكذلك..شكلة الجزار..مع علي البيطري..جا الجزار وطعن الحصين باليل ..
اشهر الاسر في المصنع في الماضي..اسرة الرزم..وحاج علي..وذكي..والكجم...وعلي البيطري..وعبد المجيد..واخوه عبد الرؤوف..عمنا حامد ابو شنب..اعظم الرجال واكرمهم عل الاطلاق..وكذلك..اسرة عمنا سعد سليمان...وفي نهاية فترة الحلة القديمة..جو ناس عمنا قمر الدين...وكان ف السوق القديم الخيرات وكان يعمل به اخونا محمد عثمان..وعبده كاروشا ...كانت في خلوة مشهورة (الشيخ محمد طاهر)انا احد خريجيها..كان مدرسة المصنع أ هي المدرسة الوحيدة ف المصنع
كان في سواق مشهور اسمو ابو التكاتك...واخر اسمه ادم جن...ناس جكسا والكبيري..من اعلام المصنع..من لا يعرف عمنا سا ني الكمسنجي..لا يعرف المصنع..وكذلك عليكو...اسرة طه الفكي من قداما المصنع ..عبد الرحمن المواطن كان علما من اعلام المصنع...كان في المصنع عبد المنعم سيد احمد..من يذهب لسينما حلفا مع عمنا جكسا حجز زهاب واياب..ليس من قدامي المصنع
كان في المصنع...شيخ كبير في السن..وكان قصير القامة..اسمه حسن علي ماظن..كان بردد..اصبح صباحا جديد..صباحك منادي ..نورك يا محمد في كل وادي...الله يرحمنا جميعا كان في حريقة وبيتو ما اتحرق..انا حاضر الكلام دا
الاخوة والاخوات ...ناس المصنع الحنان...والله قضينا اجمل ايام العمر ف المصنع...اليكم لمحة من الماضي...كان ف المصنع عدة فرق لكرة القدم...وكان اشهر اللاعبين..مقابلي...وبشري..(بشبش)..اطرش...وهاشم قوني..علي المصري..كمبوديا...وبعدهم ناس قمر ويحي..وقلي قلي... محمد جمعة وعلي ابراهيم واشهر هم الاخ بدوي..وذو الكفل(بوكو)...وكان الميدان القديم جوار المسرح بالبركس..طبعا دا كان قبل الرحول للحلة الجديدة..الحلة القديمة كانت في موقع ال مدارس الان..
من دفعتي في مدرسة المصنع.أ..الاخوة عبد العزيز حسن..محمد ادريس عبد المؤمن..عبد القادر بابكر..صلاح حامد..صلاح ياسين..محمد حسب..جمال سعيد..الرشيد.....عيسي حسين شريف. ..ابراهيم...احمد يوسف(من الجبل) ..في المتوسطة..عزت خضر..صلاح بدين..عوض سعد..قمر الدولة..حيدر حسن..عاطف ادم باهي..ادريس بشير..خالد دورا..امير كدراوية..جمال احمد..علي ابراهيم..هارون يحي..سليمان حمزة..ابو كروك..قرشي..واخرين
اشهر المدرسين في مدرسة المصنع أ الناظر بابكر عبد المحمود..الاستاذ قرض..الاستاذ سيد احمد..الاستاذ ابو عجاج..الاستاذ حسين ...الاستاذ محمد مهدي...,,,
هل بدات في ذكر عظيمات المصنع؟ كيف يتم ذلك..دون ذكر ام الفقرا,..هل سمعتم بمشاركة المجنونات في مراسم بكاء.؟ لقد حدث ذلك يوم وفاة المرحومة..والدة مبارك قمر الدين ..اي نعم والله...شاركة احداهن...بالبكاء وقالت تخاطب المرحومة(حليلك..اليا كنا بنشرب الشربات في بيتك)..كيف لا اشهد لها بالطيبة..وقد شهدت لها حتي المجانين...رحمنا الله جميعا ..
اشهر رجال الشرطة..ف الزمن الجميل...ضابط اسمو ابنعوف...والاخ ود باكوك..كان شرطي عظيما...اشهر رواد التنوير في المصنع...مكتبة محمد الامين...واخوه شنقر..يا اخوانا مجلات الصين..الملونة..وماو تسي تونغ...والكمونات الزراعية...كانت مكتبة محمد الامين..دار الثقافة في المصنع..
الاخوة الكرام.. الان جاء دور الامهات الطيبات ...هل قلت الطيبات...كنت اقصد العظيمات..اعظم والدة في تاريخ المصنع..هي الوالدة عاشة باشا...والدة الاخوان محمد الامين ومجزوب ...كانت امراة.فاضلة كريمة..كانت..تربي وتعلم وتعيل...كثير من الاطفال...دون من او اذي...جعلها الله في ميزان حسناتها...وبارك في ذريتها ..
هل يعرف احدكم...ثلاجة المساكين..ما هي واين تقع..؟اليكم المعلومة..تم اكتشاف ثلاجة المساكين..في بداية السبعينات...وهي عبارة عن انحناء (جدولي)ان صح التعبير في شكل زاوية قائمة..للجدول الذي يسقي..البان في المدرسة أ ..كنا نشرب منه رقودا ..يعني شفط..الماء مباشرة بالفم..بدون تدخل الايدي...والله كانت باردة جدا..للان لا اعرف سبب برودتها...لكن اعرف انها اطعم مياه دخلت جوفي..الم اقل اني اعلم من اسرار المصنع الكثير
لا انسى المساعد الطبي محمد ادريس..واخونا صمويل...صمول كان يدو باردة في طعن الحقن..واول عيادة في المصنع كانت في حي الالمان..
يا اخوان ذكريات المصنع...لازم تمر بالدكاترة..والمستشفيات...والله لا انسي...دكتور السر...المساعد الطبي..واحد المساعدين الطبيين القدامي كان يدعي دفع الله..بس كان الحقنة بسخنوها..في غلاية...وبعدين,,بطلعوها ويختوها في اناء طلس ابيض..ومرات بسنوها بحجر..اي والله حجر ابيض كمان..وذلك لتاكيد غرسها بسهولة للمريض..وبعد داك يملوها بنسلين...وكت يدوك ليها بنفضو منا شوية دوا..وعينك ما تشوف الا النور..صراحة حكاية صعبة شديد...
اشهر مجانين المصنع...شيكيت...وكانت امراة طيبة..مسالمة..تضرب راسها باستمرار..وكان عمنا مجلي ابو سيد مجلي.. يحست اليها ويلبسها الملابس الجديدة..انشالله في ميزان حسناتهم .. اشهر ظرفاء المصنع..كان سابوسا..اشهر خلوة فالمصنع خلوة الفكي حسين ...
ناس المصنع طيبين...معقول اوثق لذكريات المصنع...ولا اذكر عمنا ودالعاقب وقهوتو الشهيرة..كان رجلا ..يؤمن بان السكوت من ذهب...واوكير..معقول دي الواحد ينسي..الكاروري...وعمك مراحب...واذاعة لندن..يا خي تسمع اذاعة لندن..بي رادي الكاروري..وتحضر تحليل الخبر..من عمك مراحب..الصباح بدرى ...والله كنت استغنيت من الجزيرة والعربية..وكل قنوات الدنيا...
عملت ف المصنع مراسلة..وف الزراعة...وكانو بغطسو القصب في مادة حمرا..قبل الزراعة..وزاملت الاخ اكمش..في ترلةواحدة..وعملت في عتالة السماد..مع عمنا ابراهيم فضيل..ونحن اوائل من عملو في الغابات..مع السايح..وفي الخدمات..وعملت..في مخزن السكر..ومخزن الاسبيرات....ومن ثم تطور الامر..وعملت شيخ اي والله شيخ في الزراعة..هكذا كانت تسمي الوظيفة..واخيرا عملت..مهندس كهرباء..بالمصنع في زمن عبدالله الخضر..وزاملت المهندس ابراهيم..والسر عيسي..واحمد دياب..وكان المدير عثمان الشيخ..والعاقب سليمان مدير انتاج..كان ذلك اخر عهدي بالمصنع ..
يا اخوان زمان كان في ناس الجمكسين..يرشو..البيوت..وذلك في سبيل مكافحة..الحشرات والناموس..وكان بدو الناس خبر في الاحياء..بكرة في رش جمكسين..الناس تستعد..وكانو برشو المياه الراكدة..وكنا نحن بنشتغل معاهم..الحكاية دي وقفت ليه..والله ما عارف..العارف يقول لينا
اسرة النقر...والاخوان عادل النقر..وناصر التقر...بحي الموظفين...اول من ادخل قاموس السكريم في المصنع..اي نعم الاسكريم...اي سمع احدكم ب عرفات محمد عبدالله...كان دفعتي والله... يا اخوانا الناس كانو طيبين..ماف عقد ابدا ..كان اشهر ضابط خدمات في المصنع اسمو عادل كديس...اي والله كديس عديل كدة..وما ف زعل...زمن جميل جميل..
حكاية الامراض والبيئه..زمان كان الواحد بدوهو سلفا..اما ان تكون بيضاء..او صفراء..سبحان الله بتعالج..اي والله بداوي عديل كدة..للان لا اعرف كيف كان يحدث ذلك..الان المراض حدث ولا حرج.
الاخوة الكرام فاصل...ونواصل...الذاكرة مليئة انشاء الله...عبدالله حسين
